عاتبت الفنانة سهام جلال أصدقائها من الوسط الفني بعد تجاهلهم طلباتها للمساعدة في العودة لعالم الفن مرة أخرى.
وخلال لقائها في برنامج «كلام الناس» على شاشة MBC مصر، وجهت لها المذيعة ياسمين عز سؤال عن الفنان أحمد السقا كصديق تلجأ له وقت الاحتياج للمساعدة، فقالت «مفيش صحاب، كلمة صاحب دي ليها مسئولية، بكلم صحابي طبعًا وبطمن عليهم وبطلب منهم شغل وبس، بس محدش بيجيب لحد حاجة ومحدش بيساعد حد، بس أنا بعمل اللي عليا لأن ربنا طلب مني إني أسعى وده مش عيب، لكنك ممكن تتصدمي من الردود».
كما أضافت أن الفنان أمير كرارة صديق عزيز وفنان محترم، لكنها طلبت منه المساعدة في الحصول على دور، لكنه تجاهلها ما وصفته بأنه «حركة مش لطيفة».
وقالت سهام جلال: «قال لي تمام وعيني يا سوسو وبعد كده ما ردش عالتليفون.. فيه حاجات مفيهاش معاتبة، لأنك مش محتاجة تعاتبي، ده رزق في الآخر، أنا ندمانة إني كلمته لأني عزيزة النفس وما بعملش المكالمات دي كتير، عملتها 3 مرات بس وما أعلمهاش تاني بصراحة وما أنصحش حد يعملها».
كما تطرقت إلى كواليس الفيلم الشهير «صعيدي في الجامعة الأمريكية» وقالت إنها كانت من المفترض أن تقدم دور الفنانة غادة عادل في البداية قبل تقديمها الدور الذي قدمته.
