بقلم مينا مجدى
_ كل ارهابي بيحرم تهنئة المسيحي في الأعياد و شايف إن جملة "كل سنه وانت طيب" حرام
_ كل مجرم بيشمت في موت المسيحي و شايف إن جملة "الله يرحمه" حرام
_ كل متعصب بيتضايق لما كنيسه جديده بتتبني ولما الصلبان بتترفع فوق بيوت الله
_ كل واحد فاكر انه علشان صايم كام يوم من حقه يطول لسانه علي أي بنت بشعرها معديه قصاده
_ كل واحد متخيل ان القبطي مواطن درجه تانيه وضيف في البلد
_ كل واحد سمح ان مناهج التعليم في مصر تزرع في عقول الأطفال الكره والتعصب
_ كل واحد حول كل قتلة الأقباط ل مجانين ومختلين عقليآ علشان ميتحاسبوش هما واللي وراهم
_ كل أب وأم علموا ولادهم ان المسيحيين بيعبدوا تلاته وان الأديره فيها أسلحه والكنايس بتتحول ليلة راس السنه ل كباريهات
_ كل مسؤول مقدرش يمنع المتطرفين من إنهم ينشروا افكارهم المسمومه في شاشات التليفزيون وميكرفونات الشوارع
_ كل مسؤول مقدرش يطبق القانون بالعدل والقوه والحزم
اللي قتل ابونا ارسانيوس مش واحد .. دول كتير !
