روى الفنان أحمد السعدني واقعة ضربه في استاد القاهرة خلال إحدى مباريات الأهلى والزمالك
قال أحمد السعدني خلال حواره مع أسما إبراهيم في برنامج "حبر سري" المذاع على قناة القاهرة والناس "أنا اهلاوي متعصب بس مش بتشتم على السوشيال ميديا لكن اتشتمت واضربت في الاستاد أنا واحمد السبكي"
وحكى تفاصيل الواقعة "كنا قاعدين جمب جمهور الزمالك وحصل مشادة فحدفونا بالأزايز، ومرة أنا مدخلتش امتحان علشان احضر ماتش ومحدش عرف وكان معايا في الفصل كريم حسن شحاتة وكنت بغلس عليه ولما بباه كان ماسك نادي الزمالك كريم دخلني وفضلت اشتمه بسبب المباراة"
وتابع "كنت بكلم فهمي كتير وبقوله مينفعش تشتم وتتشتم على السوشيال ميديا وهو بقى اهدى دلوقتي تقريبا تأثير هنا الزاهد، لكن أنا مش هدخل في مشادة على السوشيال ميديا"
كما روى موقفا آخر قائلا "حصل موقف مع أحمد حسام ميدو كان كتب حاجة وقلتله ليه كتبت كدة ممكن تضايق جمهور الأهلى وهو رد بشكل معجبنيش فرديت رد مش لطيف وحصلت مشكلة على المستوى الشخصي كمان"
يذكر أن أحمد السعدني يشارك في هذا الموسم الرمضاني بمسلسل "بطلوع الروح" مع منة شلبي وإلهام شاهين وغيرهم نخبة من النجوم
