ماجدة سيدهم
مش  مهم حالة الفوران  الزيادة اليومين دول من جهاد مكارم الأخلاق العلني .. المهم المسيحي كافر  

* مش  مهم المؤمن  يغش في  مكونات الطعام  ولا في الميزان ولا في مستوى النظافة ولا في تكشيرة الوش اللي تقل البركة  المهم   حكم بيع الأكل  للكافر في نهار رمضان رغم اعتذار هو  أقبح من الذنب لأن الفكرة في حد ذاتها  عقيدة قائمة وراسخة في الأدمغة  يعني  بقت أسلوب حياة   ..

* مش مهم المؤمن بزيادة يكون فاطر علنا  وسابب  الدين والمللة للعيشة كلها  ..المهم ما يخدش حرمة رمضان  ويقدم وجبات للمسيحي  الكافر  ..حاجة كدا زي كله إلا حجابي ..

(على فكرة لو اللي دخل المطعم مسلم وطلب أكل ماكانت فيه مشكلة .. الفكرة في حمئة  المؤمن المتطرف )
* صورة ٢  وفي  مشهد لذيذ  لشوية مؤمنين  أبا عن جد  مش مهم  أنهم قاموا بضرب كلب  معلق حتى الموت مع  هيستريا ضحك .. المهم  أن المسيحي كافر ..

* مش مهم  فجر تقوى  الحثالة في  تكرار سرقة  البنات والستات القبطيات   ومش مهم  خراب بيوتهم  وتشتيت أسرهم   وحزن  ودموع  وقلب الرأي العام  ولا حياة لمن ينادي  ..المهم المسيحي كافر  ..

* مش مهم الدنيا تولع وتتحول من سلفية إلى خرابة أشباح  تقوم الليل .. المهم رفع راية المسيحي كافر
 احنا حانضحك على بعض من يوم ماسمحت الدولة لسيطرة  وتوغل تخلف  الدراويش  على كل المنابر ( مساجد و إعلام وصحف  وثقافة وفنون  ومدارس  وغيره )   وربط  الجهل بالإيمان باعتباره  من متممات  الجهاد القويم  وقد طفح  على المحروسة طاعون البلطجة السودة .. ومن كثرة  الفشل أصيبت  الشوارع  بقرح فوضى الاخلاق  اللي هي نتيجة  طبيعية  وحصاد  علقم  لبذرة مسمومة

وبعدين نشتكي  وزعلانين وعاوزين شعب سوى  ومنتج ومتحضر  طيب ازاي ..بس برضه المسيحي لازم يفضل كافر  والا الثوابت تختل
*فكرة المسيحي كافر دي ثقافة  ومرجعية بدوية متخلفة بطول تاريخ استعبادي مظلم   تمتاز به فقط الدول الدينية المرتاحة في تخلفها ..
*  أما النفاق الروتيني  على شاكلة فض مجالس   تصريح "  الله حامي مصر بآذان المساجد وأجراس الكنائس ودعوات البسطاء.."  وزيرة الهجرة  
دا تصريح ةغير مسؤول  إطلاقا  لايليق  بدولة المفروض أنها دولة  لكنه يليق في عقدة مودة وتسلية على موائد الرحمن ..

اللي يحفظ  قوة  وكيان أي دولة  هو سيادة الدولة المدنية  وسيادة القانون الحازم  وضمير وانتماء الشعب العامل والمنتج  ..
*للأسف أسوا مافي المرحلة هو تراجع  الفكر والفنون بشكل سلفي مرعب حتى لو بدا ظاهريا  أنه يقاوم التخلف والتطرف لكن ضمنيا فيه حتة مش  مواربة  مش صريحة مباشرة  .. التجميل لن يفلح ابدا بل سيزيد الطين بلة ..

المناخ  الفاسد إنسانيا  هو مناخ  مش حر  ولن يفرز  ثقافة أو فن حر ..وتظل محاولات التنوير مخيفة للعتمة .
كل يوم وأنتم في رفض للتطرف ..