كتب -محرر الاقباط متحدون
اكدت مصادر قريبة من مريم وهيب المختفية ببنى سويف ان مريم فى يد الاجهزة الامنية فى بنى سويف وانهم فى انتظار لقاء السيدة لبحث الازمة.
وطالبت الكنيسة الصلاة لاجل عودة مريم وتحقيق الاستقرار لبلادنا مصر.
وكان قال زوجها بعد انتشار فيديو اشهار اسلامها :" الفيديو دا وضح حاجات كتير اوي، هو مدته ٥٠ ثانية، ودي مش مريم زوجتي اللي انا اعرفها وعشت معاها ١٢ سنة.
موضحا لقناة سي تي في : مريم ليست زوجة عادية بالنسبة لي حيث عشت معها قصة حب انتهت بالزواج، وواصل :" اللي ظهرت في الفيديو مش مريم اللي اعرفها، دا مش وشها.
لافتا :"شفنا فيديوهات قبل كده لناس بتشهر اسلامها وكان بيظهر الرضا على وشهم، عكس الفيديو المنسوب لزوجتي.
وتابع :" الفيديو المتداول ٥٠ ثانية عبارة عن واحدة مضروبة، وجنبها واحد بيلقنها الكلام، وواحد حاطط السكينة على بنتي وصوت صراخ البنت واضح، علامات الضرب على وشها واضحة جدا.
كما اضاف :" بالعقل كده هي خرجت من البيت يوم ٤/٥ ، وشهادة اشهار اسلامها تم استخراجها في نفس اليوم، يعني طالعة من البيت قاصدة تخلص كل الاجراءات في نفس اليوم هل هذا يعقل يا جماعة.
لافتا :" هل وشها الحزين ده في الفيديو بيقول انها اختارت الاسلام عن رضا، ام تم اجبارها على ذلك.
