كتب - محرر الاقباط متحدون
نشر الشاعر مينا مجدي، عبر حسابه على فيسبوك، مقطع فيديو لكنيسة خالية من المصلين رغم اننا في اسبوع الالام ، وكتب مجدي :
هذه كنيسة مارجرجس "قرية اولاد الياس _ مركز صدفا_ محافظة اسيوط_ ايبارشية ابو تيج" .. الكنيسه دي عدد الشعب بتاعها اكتر من ١٠ الاف شخص .. كاهن الكنيسه اتنيح في شهر يناير .. ومن وقتها مفيش كاهن اترسم علي الكنيسه .. الأب الأسقف انتدب ٢ اباء كهنه لصلاة ٤ قداسات في الشهر .
لكن في أسبوع الألام مفيش كاهن بيصلي مع الشعب .. لدرجة ان الشعب راح يوم حد الزعف علي اعتبار انهم هيلاقوا هناك كاهن من الايبارشيه لكن للأسف ملقيوش حد ورجعوا بيوتهم في قمة الحزن .. الأسبوع المقدس عدا عليهم من غير قداسات من غير حد زعف ولا خميس عهد .
اكتر من ١٠ الاف شخص محروم من نعمة الصلاه والأيام المقدسة بسبب عدم وجود كاهن .. اتواصلوا معايا علشان اوصل صوتهم .. اتمني الأب الأسقف يتدخل واتمني قداسة البابا يحل مشكلتهم اعملوا شير لو عايزين تساعدوهم.
