فادى يوسف
نصيحه لكل شاب او شابه عايزه تتجوز
️ اللي بيشتم قبل الجواز بيشتم بعده واللي بيضرب إخواته البنات هيضربك! واللي مالوش خير في أهله مالوش خير في حد والغير أمين في حياته غير أمين عليكي.
الكداب والغشاش في شغله، كداب وغشاش في علاقاته الإناء بينضح بما فيه والثمر يقولك أيه أصل الشجرة
الانسجام مش بالعافية والارتياح مش عمياني واللي مش عايشه الإنسان دلوقتي مش هيعيشه في يوم وليلة الطبع يغلب التطبع واللي يحضن النار بيتكوي بيها والعاطفة لوحدها مش كفاية والروح قبل العقل لازم تكون مطمنة لو مشفتيش ربنا فيه بحق وحقيقي ما تطمنيش التدين مش مقياس وألقاب الخدمة تساوي صفر الإنسان يبان في بيته وشغله وفسخ الف خطوبة ولا جوازة فاشلة
عشان متتفاجوش
عشان بس محدش يتفاجئ بعد الجواز بكام شهر بتصحى تلاقي اللي نايمة جنبك واحدة ست عادية عادية جدًا بالنسبالك! بقت مراتك مش حبيبتك اللي كنت بتسهر بالساعات تكلمها في الموبايل وتجيبلها في هدايا.. بقت مراتك بتشوفها الصبح وشعرها منكوش والكحل سايح على عينيها وصوتها وهي بتكح يصحيك من أحلى نومة في عز الليل.. الانبهار بيروح ومش بيفضل بينكم غير المودة والرحمة عشان كدة الواحد لازم يختار صح الحد الى يستحمله ويقدره ويوده حتي وهو في اسوأ حالاته يشوفه احسن واحد ف الدنيا ..
عشان كده ربنا بيقول
"فالذي جمعه الله لا يفرقه إنسان"
"وجعل بينكم مودة و رحمه"
ماتتجوزوش احسن
ما تتجوزوش ناس مختلفه كتير عن مستواكم الفكرى .. هتتعبوا
ما تتجوزوش ناس مختلفه كتير عن مستواكم التعليمى .. هتتعبوا
ما تتجوزوش ناس مختلفه كتير عن مستواكم المادى .. هتتعبوا
ما تتجوزوش ناس مختلفه كتير عن مستواكم العائلى .. هتتعبوا
ما تتجوزوش ناس مختلفه خالص عن القيم الى اتربيتوا عليها
ما تتجوزوش ناس منفتحة زيادة ( اوبن مايند )
وانت تكون ليك حدودك .. هتتعبوا
ما تتجوزيش واحد سلوكة مش منضبط .. هتتعبى
ما تتجوزش واحده بتحب تشتغل و انت مش عايزها تشتغل
ما تتجوزش واحده لبسها مش عاجبك وترجع تتعب وتتعبها بعد الجواز
ما تتجوزش واحده يتحب الخروجات و الفسح وبعد الجواز عايزها تقعد فى البيت و متخرجهاش
ما تتجوزيش واحد بخيل
ما تتجوزيش واحد مش بيقدرك
ما تتجوزيش واحد مش بيحترم اهلك
وانتو بتتجوزوا بصوا على العيلة الى هتختاروا شريك حياتكم منها لأنها اة بتفرق، و متقولش انا بختار شريك حياتى مش العيلة
اختاروا ناس قريبة منكم فى كل حاجه عشان متتعبوش و تعيشوا حياه سعيدة
اقولكم متتجوزوش احسن
