كتب - محرر الاقباط متحدون
علق الكاتب محمد ابو قمر على التحرش الجماعي بالسائحات في الهرم، قائلا :" سيبك من إن المشهد ده فضيحة عالمية ، وسيبك كمان من تأثير المشهد المرعب ده علي السياحة.
مضيفا عبر حسابه على فيسبوك :" فكر بس في الأسئلة إللي محتمل تدور في ذهن السائحه دي :
1- ممكن تقول في نفسها : معقوله الناس دي أحفاد الناس إللي بنوا الأهرامات!!! .
2- أو تقول في نفسها : معقوله العيال دي بشر طبيعيين زي أي ناس في مختلف بلاد الدنيا!!.
3- أو تتساءل في نفسها وتقول : ياتري إيه هو الخطاب الأخلاقي إللي بيتم توجيهه للعيال دي؟!!.
4- وممكن تتفلسف وتقول في نفسها : البلد إللي الجنس هو إللي بيوجه سلوك أجيالها تجاه الآخرين ملهاش مستقبل.
5- واحتمال كبير تزعل أوي من إللي حصل لها وتقول في نفسها : أنا غلطانه إللي جيت البلد دي ، ياريتني روحت بلد تانيه.
