محرر الأقباط متحدون
بعد تداول مقطع فيديو، تعرضت فيه السيدة ماري مجدي ونيس ، للضرب من قبل زوجها وليد سعد أيوب، بشكل وحشي كاد أن يفقدها حياتها .
وتعقيب ، النائب إيهاب رمزي ، إلى أن هناك مشروع قانون معد فى البرلمان يسمح لحالات الطلاق فى حالات الضررأوالفرقة بين الزوجين ، وإعداد مشروع قانون للأحوال الشخصية وتوسيع أسباب التطليق ، ولايكون السبب الوحيد هو الزنا فقط ، ويحتاج الأمر لإصدار قانون وضعى من مجلس النواب وتم عرض القانون على وزارة العدل والانتهاء من مناقشاته وفى طريقه للبرلمان وسيكون هناك حوار مجتمعى بجانب قانون الأحوال الشخصية
قال ، مينا اسعد كامل ، الكاتب والباحث القبطي ، عبر صفحته الرسمية على موقع التواصل الاجتماعي " فيسبوك ، قائلا :" العنف الأسري والطلاق للزنا ، علشان نحل المشكله صح لازم نفهمها صح ، الاول بالنسبه لسر الزيجة .. ايه اللي بيحصل؟ .. الاثنين يكونوا جسدا واحدا ، اتحاد تام الهي ، اخو الزوج يصبح أيضا اخو الزوجة ، واخت الزوجة تصبح اختا حقيقية للزوج .. علشان كده ما ينفعش حد يتجوزارملة أخيه مثلا ، لو انت مؤمن بالفكر الكتابي الارثوذكسي دا يبقى نكمل مع بعض ، ولو مش مؤمن يبقى اتجوز في اي طائفه تانيه عندها طلاق
وأكمل ، ايمانا بسر الزيجة ، هو اتحاد مافيش فيه فصام ينتج عنه قرابه حقيقية تعالوا نقيس بقى ، لو أب كان بيعذب ابنه .. ايه الحل ؟ انفصال الاب عن الابن، لكن مش هايتشطب من البطاقه الشخصيه مثلا .. ولوالاخ كان هايقتل اخوه ايه الحل ؟ .. عقوبات قانونية ، لكن هايفضل اخوه حتى لو اتحكم عليه بالاعدام .. يعني .. فيه صلات قرابه مافيهاش فصام اطلاقا ، لو انت لسه متفق معايا نكمل مع بعض لو انت شايف أنه ممكن الاخ يشيل اسم اخوه من بيان العيله يبقى ماتكملش قرائه
وأكمل ، بما أن الزواج اتحاد ينتج عنه قرابات ، وبما أن القرابات لا تنحل بسبب العنف مثلا اوعدم ابرار الابن بأسرته ، إذن لا يحل الزواج كنسياً ، نتيجه للعنف لكن توضع الضوابط التي تحمي الطرف المتضرر ، امتى تنقطع القرابه ، وامتى يتنجس الرباط والاتحاد ، في حاله الزنا حسب الكتاب بس خلاص افهم المشكله وأبعادها ونطلع حل حقيقي ليها .
وكتب ، مينا اسعد ، عن حقائق باختصار :
1- البابا كيرلس السادس عمره ما طلق لغير عله الزنا وكان ضد لائحه ٣٨ وضد وجودها اصلا في المحاكم وبعت مذكره بذلك لوزير العدل
2- لائحه ٣٨ اصلا بعد إصدارها بفتره بسيطة ، الكنيسة اعلنت انها موقوفه ومش هاتشتغل بيها
3- الكنيسة على مر 2000 سنة بتقول مافيش طلاق غير للزنا مش البابا شنودة اللي قال كده وطلعنا مئات الاقتباسات على مر العصور بتقول كده
4- النص والتفسير والاباء و الترجمه وكل حاجه بتاكد انه مافيش خطا في ترجمة نص الطلاق بالكتاب المقدس زي ما بيقولوا
5- الكنيسة قالت اللي يطلق لغير الزنا محروم واللي يساعده محروم .
6- مافيش حاجه اسمه الدنيا اتغيرت ولازم نطوع النص دا كلام فارغ لانه زمان كان اليهود ممكن يقتل زوجته بدل ما يطلقها والرومان ياخدوهم سابايا غير العزابات اللي بتتعمل للستات وضربهم وسجنهم . ورغم كدة المسيح قال لا طلا الا لعله الزنا والكنيسة مشيت وراه
7- مافيش حاجه اسمها زنا النظرة ويبقى نطلق لما حد يشتهي في قلبه ، الاية بتقول اللي يبص باشتهاء زنا في قلبه ، يبقى طلق في قلبك حبيبي لو عاوزها حرفيه يعني .
8- مافيش حاجه اسمها زنا بمفهوم غير مسيحي زي ما بيقولوا ، الزنا علاقه غير شرعيه فبلاش اي كلام وخلاص .
9- اي حد من الاكليروس مش بيراعي وصيه الطلاق وبيطلق لاي سبب دمه وخطيته ولعنته على راسه وعلى راس الزناه اللي اعاد زواجهم دون وجه حق.
