كتب - محرر الاقباط متحدون
وكتب ماهر عبر حسابه على فيسبوك :" المؤكد ان الست اللي قتلت ولادها التلاته وحاولت تنتحر كانت مريضة اكتئاب وصل لمراحل متأخره والرسالة اللي سابتها لجوزها دي دليل قاطع على حالتها.
للأسف الشديد ان الاكتئاب هو مرض العصر وللاسف الشديد لسه فيه ناس بتتعامل معاه باعتباره محن وضعف ايمان وبيلفو بالمريض على الشيوخ والقساوسة وتجار الدين.
حالة الست دي تشبه ملايين حالات الستات اللي أزواجهم مسافرين برة وسايبنهم بعيالهم وفاكرين ان مسؤليات الحياة تتلخص في الفلوس اللي بيبعتها كل شهر واي احتياجات تانية تعتبر محن ورفاهية.
الست اللي قتلت ولادها دي (مجنونة حرفياً) وفي نفس الوقت هي ضحية للمرض الابشع على الإطلاق وهو الاكتئاب.
اتمنى ان الحادثة دي تكون جرس إنذار للناس كلها ونبدأ نتعامل مع المرض النفسي باعتباره حقيقة بشعة ومحتاج علاج طويل وتعامل خاص مع المريض ودعم من كل الناس اللي حواليه... الاكتئاب هو المرض اللعين.
وعثر رجال الامن داخل غرفة بمنزلها على أطفالها متوفيين، وباجسادهم جروح، وبالقرب منهم آلة حادة تحتوي على دماء، وايضا خطاب موجه لزوجها ويعمل خارج مصر، اقرت فيه بقيامها بقتل الاطفال
وجاء بنص الخطاب : أنا وديت ولادك الجنة يا محمد، أنت كمان هتروح معاهم الجنة علشان مقصرتش معانا في حاجة، أنا اللي قصرت معاهم وخصوصا أحمد، فكان لازم أوديه الجنة، لأن ذنبه في رقبتي، لا علمته الكلام ولا التعليم. واخواته معاه في الجنة، اصبر واحتسبهم عند الله، ويا بختك بالجنة، أما أنا فادعيلي علشان كنت بتعذب في الدنيا ومش قادرة أعيش، سامحني، ربنا يكرمك باللي تستاهلك، ويعوض عليك بولاد احسن.
