علق الشاعر محمد عاطف على حذف مهرجان بنت الجيران لمطرب المهرجانات الشعبية حسن شاكوش وعمر كمال، من قناة حسن الرسمية على موقع الفيديوهات الشهير يوتيوب.
وقال محمدعاطف في تصريحات لـ القاهرة 24: اللي حصل ضرر أدبي ومادي ومش هنسكت عليه، لأن بتصريحات حسن شاكوش بيشكك فينا وفي شغلنا بمنتهى الاستهتار، وبيبوظ شغلنا.
وأضاف: مش وقف كليب هو اللي هيعوض، ده شيء بسيط، وهاخد الإجراءات القانونية اللازمة ضده، بعدما تواصلت مع المحامي الخاص بي.
حذف مهرجان بنت الجيران
وأضاف محمد عاطف: كمان كلمتي خمور وحشيش ازاي يتحطوا في أغنية ازاي؟، أنت بتنشئ جيل جديد، فمع الوقت هيعمل حالات قتل وجرائم.
كما علق مدين ملحن أغنية حاجة مستخبية على ذلك الأمر أيضًا، وكتب عبر صفحته الفنية على فيسبوك، الآتي: الخطوة الأولى أغنية بنت الجيران اتقفلت ولسه.. شكرًا لشركة نجوم ريكوردز وشكرا لشركة أي ميديا.
وأشار حسن شاكوش خلال حواره أمس مع الإعلامي عمرو أديب، إلى أنه لم يسرق لحن مهرجان بنت الجيران، من أغنية حاجة مستخبية للفنان محمد حماقي، بل إن لحن أغنية حماقي مسروق من لحن أغنية تركية، موضحًا أنه لا يتقاضى سوى ثلث إيرادات الأغنية، قائلًا: أغنية بنت الجيران مش بتاعت حماقي ولحن أغنية حاجة مستخبية مسروق من تركيا، وجالي من إيراد الأغنية لحد دلوقتي حوالي 100 ألف دولار وعشان الناس باصين فيها مجابتش حاجة.
