د. أمير فهمى زخارى المنيا
التاريخ بيقول إن مدينة أسيوط هى المركز التجارى الوحيد اللى اليهود ماعرفوش يعيشوا فيه
طـب إيـــه الـحـكــايـــة .. ؟!!
الحكاية "من التراث الشعبى" بتقول إن تاجر يهودى وصل مدينة أسيوط راكب على حماره ولما دخل المدينة حب يختبر أهلها....
فنادى على ولد صغير وأداله نكلة (النكلة تساوى 2 مليم) وقاله خد النكلة اشترى لى حاجة أكلها وكمان حاجة اتسلى بيها واشترى كمان أكل للحمار بتاعى وخللى الباقى علشانك!!
راح الولد الأسيوطى غاب شوية ورجع له معاه بطيخة وقاله: اشتريت لك بطيخة بمليم وخدت المليم التانى عشانى !!
كل أنت من البطيخة وأدى القشر لحمارك وإتسلى باللب...
ضرب اليهودى كف على كف و قال: مالناش عيش فى البلد دى
والى اللقاء فى مقاله جديده من حكايات التراث الشعبى...تحياتى
د. أمير فهمى زخارى المنيا
