بقلم جورج حبيب
يا اللي من بكره خايف ومنه خايف ليه
ويا تري ايه مخبي وهيجري فيه ايه
هو بكره بتاعك دا ربنا موجود فيه

دا بكره يوم جميل
الورد  هيفتح والياسمين يرقص ويميل
والصحة هتكون  عال العال
والمزاج متحسن وكمان راحة بال
والناس كلها فرحانه ودا  مش خيال

وليه تشيل الهم وتعيش يومك شقيان
بص شوف الطيور كلا منها هيمان
طاير في السما ولا واحد زعلان
والكل بيسبح وحياته كلها ايمان
يا عم سيبها علي ربك

وكن واثق هيفرح قلبك
 دا عنده حلول وحلول
وفي لحظه يحل فرح وسرور
اوعي يوم تفكر
ولا يوم تنام متعكر

اضحك وفرفش
وابني بيت من امل وفيه  عشش
دا النهارده يوم جميل
كله فرح ومليان تهليل
قول للشيطان ابعد
وقوله  انت من فكري مبعد
انا النهارده سعيد

ويومي النهارده يوم عيد
دا انا ابن ملك الملوك
والشيطان قدامه مجرد صعلوك
هفرح وافرح وافرح
و فرحي بالسما اكثر واكثر