كشف مؤدي المهرجانات حمو بيكا، عن مفاجأة حول إحياء عدد من مطربي المهرجانات الموقوفين من قبل نقابة الموسيقيين، حفلات في الساحل الشمالي بدون الحصول على ترخيص.
وقال حمو بيكا، في تصريحات لبرنامج «الترابيزة» على قناة «الشمس»: «جايين عليا عشان أنا غلبان والناس اللي موقوفة معايا شغالين في الساحل بدون ترخيص، وهم ريشة كوستا وعلي سمارة وأبوليلة ومسلم».
وأضاف: «أعضاء مجلس إدارة النقابة هما اللي مشغلنهم في الساحل بدون تصاريح، وأتلقى تهديدات بالحبس حال عدم التنازل عن القضية التي قمت برفعها ضد النقابة.. ولكني لن أتنازل عن قضيتي وعن حقي».
من ناحية أخرى، رد حمو بيكا على الانتقادات التي تعرض عقب ما كتبه على صفحته عبر Facebook بعد استقالة هاني شاكر.
وقال حمو بيكا في بث مباشر: «هاني شاكر راجل مقامه كبير، على دماغي، وبحبه، ومفيش بيني وبينه أي مشكلة، وكنت زعلان إنه قدم استقالته، مع إني مش شغال في مصر وموقوف، ولكني مش زعلان».
وأضاف بيكا: «هاني شاكر أخويا الكبير، وبنتشرف بيه في كل حتة.. أنا نزلت صورة مكتوب عليها: (أنا راجع يا شوية جواجع)، ودي أغنية جديدة مع نور التوت، لكن الناس فهموا غلط، وحرَّفوا كلامي، وأنا مش مستحمل والله العظيم تلاتة، كل واحد فيه اللي مكفيه، أنا موقوف ومش معايا الكارنيه، لكن راضي بحكمة ربنا، وألف شكر ليك يا رب إني ماشي على رجلي وأنا علاقتي بهاني شاكر جيدة، ولا توجد أي خلافات بيننا».
وتابع حمو بيكا: «بقول لأستاذ هاني شاكر، أنا أخوك الصغير، وبحبك، ومفيش بيني وبينك أي حاجة، وقدَّرني زي ابنك، وأنا مش عاوز حاجة، ومش عاوز النقابة، أنا بس حبيت أوضح حقيقة تصريحاتي للجمهور، ولكل الناس اللي فهمت غلط، وإني مش قصدي أي إساءة».
