كشف الموسيقار أحمد رمضان سكرتير نقابة المهن الموسيقية، عن تواصل الفنان رامى صبري معه، وذلك لحل أزمة مطرب المهرجانات الموقوف حمو بيكا، وذلك بعد انتشار فيديو للأخير يكشف من خلاله احتياجه للعمل.
وقال أحمد رمضان في تصريح لـ«المصرى اليوم»: «شاهدت فيديو المطرب محمد نور والذي من خلاله يحاول حل أزمة مطرب المهرجانات الموقوف حمو بيكا، وليس هو فقط من تواصل معي لحل الأزمة، المطرب رامى صبري تواصل معي وتحدثنا عن المشكلة وسببها وطلب مني أن نحل هذه الأزمة وأن بيكا أكيد هيقدم اعتذارات لأعضاء مجلس نقابة المهن الموسيقية».
وكان الفنان محمد نور، قدم رسالة اعتذر خلالها لنقابة المهن الموسيقية، نيابة عن مؤدي المهرجانات الموقوف حمو بيكا، وذلك بعد اتهام الأخير للنقابة بالرشوة.
وقال «نور» في مقطع فيديو عبر حسابه الرسمى بموقع الصور والفيديو «إنستجرام»: «لكل أعضاء نقابة المهن الموسيقية أخوتنا الكبار، اللي طول عمرهم معانا في كل كبيرة وصغيرة، بعتذرلكم بالنيابة عن حمو بيكا، هو أكيد مكنش يقصد، الإنسان وقت الغضب مش بيعرف يقول إيه».
وأضاف: «هو بس عاوز يشتغل، ودي كلمة أثرت فيا طبعًا، ولكن ده ميديلوش أي حق إنه يغلط في أي حد من أساتذتنا الكبار، هو هيعتذر وعشان خاطري أنا تقبلو اعتذاره، أنا هجيبو وأجيلكم ونخلص الموضوع».
وتابع: «أتمنى تقرأ الكلام ده وتعتذر، وهما مفيش أطيب منهم، والموضوع يخلص أنا بس تدخلت عشان عارف أنك طيب وفي حالك، وعندك جمهور بيحبك، وهما محترمين فوق الوصف، أهل وعيلة حقيقي مش نقابة، وعفا الله عما سلف».
واختتم حديثه: «شكرًا وأتمنى من الجميع محدش يغلط أو كده من الكومنتات، أنا فقط مقدرتش أسمع حد بيقول نفسي أشتغل وأنا محاولش أساعد، شكرًا للجميع طولت عليكو شكرًا لأستاذ أحمد رمضان والمايسترو الأستاذ حماده أبواليزيد، وأنا متأكد أنكم هتتعاونو معايا، وده مش جديد عليكو».
