بقلم /عصام الجوهري
يا ماس و داير علي حل نارك
ما عرفنا جدك من هزارك
داير تولع في الكنايس
تقولش طخت ابوك
وجاي تاخد بتارك ؟
يا ماس براحة و عيب عليك
لم شرك و شرارك
وانت بتولع في مينا حاسب
دا محمد وفاطمة جارك
يا كنيسة مالك مزعلاهم
عاوزين يحرقوكي
بشموعك وانوارك
اطفالك تموت والكاهن معاهم
والشيطان فاكر دي نهاية مشوارك
يا كنيسة مش عاوزين يسمعوا صوتك
ولاحتي صمتك وسكوتك
وصلاتك وقت اسرارك
يا كنيسة افرحي ومتقلقيش
يا كنيسة رغم المِحَن بتعيش
يسوع وحده سر افتخارك
واقف في وسط أتون النار
يحضن وسط الماس فتية
ابن الله بيطمن و يبارك
يا كنيسة يا متغربة مبتخافيش
مهما تكون امورك ضاغطة مبتنحنيش
لا دي اول ولا اخر معارك
يا ماس كفاية ولم دورك
مفقوس يا بن شعلة
ومفهوم غرورك
اختشي وشوفلك لعبة تانية
ضحكت العالم علي حقدك وجنونك
يا ماس وداير علي حل نارك
خلاص فهمنا جدك وهزارك
