كتب - محرر الاقباط متحدون
وجهت فتاة سؤال الى الأب القمص بولس جورج كاهن كنيسة القديس مار مرقس الرسول بمصر الجديدة ، يقول " احب شخص ومن المقرر ان يتقدم لخطبتي، السؤال هل من الطبيعي ان يفتش في منشوراتي القديمة على حسابي بفيسبوك، وهذه المنشورات كنت كتبتها قبل ان اعرفه، وبعدها يوجه لي الاسئلة قائلا : من هذا الشخص الذي كتب لك تعليق ولماذا يضع لك اعجابات، ولماذا تتحدثين معه، ويأخذ يبدي انزعاجه من الاصدقاء الذكور، ويرى في ذلك امر غير طبيعي مع العلم انني لا اقبل اي طلب صداقة ومعظم الذكور من اقاربي.
وقال القمص بولس جورج خلال عظة نقلها برنامج (الراعي الصالح) المذاع عبر قناة "مي سات" :" لو في فترة الخطوبة او في نية للخطوبة والشاب فتش في موبيلك مرة واحدة مفيش مشكلة، لكن لو كرر الامر وكل مرة يسألك نفس الاسئلة دا معناه انه عنده شك.
لافتا :" والشك حاجة صعبة اوي، ومش بقولك تكملي معاه او لأ ، لكن انا شايف انك لازم تاخدي موقف وبوجه كلامي للكل ، تاخدي موقف يعني تقولي له اسلوبك مش مريحني، وفي حاجة تاني مخوفاني ان فيه لهجة شك وعدم ثقة، وكدا صعب نبني بيت.
وواصل :" يبنى البيت بالمحبة والثقة والاحترام المتبادل بين الطرفين، ومينفعش اتنين يتجوزوا وهما مش طايقين بعض او في طرف بيخون الاخر.
