شهد مركز بلقاس بمحافظة الدقهلية حادثا مأساويا، حيث أقدمت فتاة على إنهاء حياتها بتناولها قرصا كيماويا حبة الغلة السامة، وذلك لمرورها بحالة نفسية سيئة.
تفاصيل الرسالة التي تركتها فتاة جامعية قبل انتحارها بالدقهلية: كان نفسي حد يطبطب عليا
وتركت الفتاة رسالة مؤثرة قبل انتحارها وكتبت على صفحتها على مواقع التواصل الاجتماعي فيسبوك: أنا حزينة حزينة أوي إني وصلت للمرحلة دي، وأنا بكتب الرسالة دي مش شايفة من كتر الدموع اللي بتنزل من قلبي مش عيني، أنا تعبت تعبت أوي واستحملت كتير أوي بس أنا إنسانه عندي طاقة مش قادرة استحمل كل ده لوحدي، أنا بس كنت محتاجة حد يطبطب عليا وياخدني في حضنه أنا عمري ما حسيت ب حنية أم ولا أب ولا أخوات ولا أصحاب، أنا عايشة لوحدي حرفيًا رغم وجود الناس دي حوليا أنا لوحدي والوحدة وحشة أوي ومُتعبة أوي أنا اتهلكت واتأذيت واتخذلت من أناس ليا وفي الآخر يتقال لي معلش، محدش يكلف نفسه يفكر فيا ولا يفكر في إحساسي، أعيش ليه، أعيش لمين، أنا في الوقت ده كنت عاوزه بس اللي يحسسني إني استاهل أتحب وإان حد يفضل معايا عشاني عشان بيحبني.
وأضافت في رسالتها: أنا حاربت الناس كلها عشان أبقى كويسة وكل محاولاتي فشلت، تأكدوا إني موصلتش لهنا بسهولة كده لا والله أنا عافرت عشان موصلش بس للأسف الحزن كان أقوي مني، أتمنى ربنا يسامحني ويحاسبني على تعبي وقلة حيلتي مش على عدم إيماني به، حاجه أخيرة، أنا كنت لوحدي ودلوقتي لوحدي ف أتمنى محدش من أهلي يحضر جنازتي لأني ماشية زعلانة زعلانة منهم كلهم ومش مسامحة ف حق نفسي أبدًا، أدعو لي بالرحمة أفتكروني بالخير وأتمنى متنسيش زي ماكنت منسيه وقولوا للشخص اللي ختم نهاية حياتي إنه كان أملي الوحيد وللأسف خذلني، عرفوه إني كنت بحبه عرفووه إني خلاص فارقت الدنيا دي وأنا حزينة وزعلانة على نفسي.
وختمت رسالتها: هيعرف بالصدفة أني موت زيه زي ناس كتير أوي، كانت فحياتي، حفلة تخرجي بعد بكره هي مش حفلة تخرجي من الكلية بس، ومن الحياة كلها، أدعولي ربنا يسامحني ومحدش يقولي ماتت كافرة لأن الكُفر هو إني أفضل عايشة مأذية ومنسية ووحيدة.
تلقى اللواء مروان حبيب مدير أمن الدقهلية إخطارًا من مدير المباحث الجنائية يفيد بورود بلاغ لمركز شرطة بلقاس من مستشفى بلقاس المركزي بوصول فتاة تدعي " رنا. ج " 22 عامًا، مصابة بحالة إعياء شديدة نتيجة تناولها قرصا كيماويا"حبة الغلة السامة".
وعلي الفور انتقل ضباط المباحث الجنائية وتبين مصرع الفتاة، وذلك لمرورها بحالة نفسية سيئة وتعاني من اكتئاب بسبب معاملة أهلها، وتحرر عن ذلك المحضر اللازم، وجاري العرض علي النيابة العامة.
ويحذر القاهرة 24 من الانتحار، مطالبا من تراودهم مثل هذه الأفكار التوجه إلى طبيب نفسي في محاولة لحل مشكلاتهم، وماقد يتعرضون له والتفكير بإيجابية حول استمرارية الحياة التي منحها الله للإنسان، حيث يأمل القاهرة 24 الذهاب إلى الطبيب المختص، وعرض أنفسهم على المعنيين لحل المشكلة.
وتعمل الدولة على تقديم الدعم للمرضى النفسيين؛ من خلال أكثر من جهة خط ساخن، لمساعدة من لديهم مشاكل نفسية، أورغبة في الانتحار، أبرزها الخط الساخن للأمانة العامة للصحة النفسية، بوزارة الصحة والسكان، لتلقي الاستفساراتالنفسية والدعم النفسي، ومساندة الراغبين في الانتحار، من خلال رقم 08008880700، 0220816831، طول اليوم.
