بلغني أيها الشعب السعيد
ذو الرأي الرشيد
انه في سالف العهد والأوان
ايام زماااان
كان فيه وطن
اسمه كيمت
قمر الزمان
في يوم من الايام
مر السحاب
غطي الضباب
وش القمر
نعس القمر
سرق الغراب
نور القمر
والقمر نعسان
حل الظلام
غضب الولد
ابن البلد
سأل الحكيم
حكيم الزمان
ليه القمر نعسان
وازاي وليه بلد
حضارته كام الف عام
قبل الزمان بزمان
بلد بني الهرم
حفر التاريخ علي الحجر
حرف وصور
ازاي ينام
سكت الحكيم
من غير كلام
صرخ الولد
من لوعته
آآآه يابلد
يازهرة البردي
ياابراج الحمام
ازاي كيمت العظيمه تنام
القلب ناح
والعين بكت
ليه القمر نعسان
اصرخ ياواد
اصرخ صحي العباد
أهل البلاد
اصرخ ونادي
علي بلادي
حرك موج النيل
صحي الوادي
يابلدنا للسما
طله المسله
علي ارض طيبه الطيبه
يابلدنا
فين طلتك
فين بسمتك و بصمتك
علي الحجر
حرف وصور
اصحي يامصر
والبسي توب عزتك
ياارض ماعت
حورس بعينه بيحرسك
وعنخ مفتاح الحياه
يفتح ياحلوه سكتك
لشط القمر
من غير غمام
ياام الزمان
يامصرنا
كلمات / عاشق مصر
يوسف متي
