محرر الأقباط متحدون

طالب الكاتب والمفكر خالد منتصر، بتوعية المواطنين بأهمية احترام السائحين القادمين لمصر، باعتبار كل سائح سفير لمصر في بلاده ومصدر هام للعملة الصعبة.
 
وقال خالد منتصر عبر حسابه الرسمي علي موقع تويتر: "لازم كل مواطن يعرف ان السائح مصدر عملة صعبة،وان السياحة بتأكله عيش،لازم ندلع السائح عشان يبقى سفيرنا ف بلده".
 
وتابع: "لما تتعامل مع السياح على انهم كفار وزنادقة ولا أخلاق لهم، وتعيش وهم هدايتهم الى الحق وكأنك بتجاهد في غزوة أو بتشارك في فتح، لازم تسأل نفسك كمواطن في بلد محتاجة عملة صعبة،انت عايز تكسب من السياحة ثواب وحسنات ولا دولار ويوروهات؟".
 
واستنكر خالد منتصر طريقة التعامل مع السائحين قائلا: "السائح أول مايركب طيارتنا بيسمع دعاء الركوب،يطلب بيرة تنظر اليه المضيفة بتأفف وتقول له ممنوع وحرام،يستقل التاكسي فيسمعه السائق شريط الشيخ كشك وهو ينذر الكفار بالجحيم،يذهب الى المعابد فيشير المرشد الى الأصنام وآلهة الفراعنة مستغفراً الله،أعتقد في النهاية سيلحقونه بكلية أصول الدين".
 
وأضاف: "السياحة حتتقدم وتزدهر لو اتعلمنا في حياتنا جملة واحدة "خليك في حالك"،لو اتعلمنا ان النظرة اللزجة للسائحة هي تحرش،لو اتعلمنا ان الحكم على أخلاق السائح من خلال انه بيرقص أو بيشرب أو السائحة من خلال انها بتلبس بكيني مش من حقك أصلاً،لو اتعلمنا كل ده حنبقى رقم واحد ف العالم،ماتتحشرش".