وجهت الإعلامية بسمة وهبة رسالة لإحدى معارفها ، ونشرتها على حسابها الخاص على موقع الصور والفيديوهات أنستجرام، وأرفقتها بفيديو لها وهي مريضة في المستشفى .
وكتبت بسمة وهبة :"واحدة معرفة اتصلت بيا فمردتش عليها ،راحت بعتتلي رسالة بتعاتبني فقلت لها معلش مش قادرة اتكلم لما اقدر هكلمك، راحت ردت عليا وقالتلي اه مانتي مشغولة صحيح كل يوم في بلد وبتتفسحي " .
وتابعت بسمة وهبة :" عاوزة أقولها هي واللي زيها ان اي صورة ع السوشيال ميديا حلوة وراها اوقات وحشة واي صورة فيها سعادة وراها اوقات تعاسة وألم ، وصحيح ممكن أكون مسافرة بس بعمل عملية " .
وأضافت بسمة وهبة :" ممكن أكون مسافرة بس بعمل عملية ، ممكن اكون مسافرة وفي عملية وفي البنج وحزينة لأن صحبتي ماتت قبلها بيومين حتى وانا في البنج وتعبانة حزينة عليها وبدعيلها وممكن اكون مسافرة اتعالج مش اتفسح " .
وأردفت بسمة وهبة في عتابها :" بما اني مسافرة لو معندكيش مانع اخرج قبل العملية واتمشى في الشارع بعد العملية لو ميضايقكيش ، يعني احب اقولك انتي واللي زيك ربنا ما يحكم عليكي يابنتي باللي في الواحد واحمدري ربنا انك مش مضطرة تسافري عشان تلاقي حل لمرض نادر ".
واختتمت بسمة وهبة قائلة :" من فضلكم ارحمونا وسيبونا في حالنا انا وصاحبتي وفاء ماتت من الحسد " .
