كتب - محرر الاقباط متحدون
قال الاعلامي احمد سالم :" انا مش قادر افهم عقلية العامل اللي يشتغل في مؤسسة سنين طويلة كان بيقبض فيهم بانتظام و لما تتعثر لظروف خارجة عن ارادتها يعتصم فيها ويكسر و يدمر في منشآتها ويطالب بأرباح رغم أنها بتخسر قدام عينيه؟؟؟ .
مضيفا عبر حسابه الخاص على فيسبوك :" و بعدين الشركة لو افلست فعليا ازاي بيطالبها بمكافاة نهاية الخدمة شهر عن كل سنة و هي اصلا مش قادرة تدفعله مرتبه الشهري؟؟و مين يتخيل ان ممكن صاحب شركة يقبل علي نفسه الموقف ده كنوع من التحايل و كأن واحد هايغرق المركب اللي هو فيها عشان يضايق اللي معاه ؟!!!!.
وتابع :" و ليه العامل اول ما شركته بتفلس بيلزق فيها و مش بيغيب ولا يوم رغم ان الشركات المنافسة دايخة علي عمال ؟؟؟منها لله الاشتراكية اللي انتهت من العالم كله الا في مصر .
واختتم :" المفروض يبقي فيه صناديق للتعثر هي اللي تتكفل بعمال الشركات المفلسة لكن اهانة أصحابها و سحلهم عقابا لهم علي تفكيرهم في اقامة مشروعات هايخلي الناس كلها تحط فلوسها في البنك وبلاها شغل.
