رزق عبدالله
لا للتبني
اخبط
خلي صوت الرزعه
يبان
واكسر كل حلم
بنيته فيكي زمان
علمونا زمان
اضحك لدنيا تضحكلك
وقالوا في الامثال
اعمل الخير
وارميه في البحر يرجعلك
ونسيوا يعلمونا ان الضحكة مصدرها السعادة
والمطحون فيكي يا بلد
بتقوله خد وبذيادة
بدءنا نحكي عن مشاعرنا
في صوره اشعار
طيب جوايا الحزن منك
لهيب نار
حزين علي ال هاجر وال فارق وال مات في العيون
واللي كان بياكل من ايدينا
وفي لحظه اتعلم يخون
حزين علي قلبي
وحزين علي خوفي عليه
حزين من الوجع
وحزين علي الجدع
اللي ماتت النخوه فيه
اللي ماتت النخوه فيه
مين تاني ماتت النخوه فيه ؟
قانونك يا بلدي
قانونك يا بلدي
ماتت النخوه فيه
لا للتبني
طيب لا لهرم
مبني علي صخر القلوب
لا للتبني
طيب لا لكبري
يتبني عشان طفل
لساه يا دوب
طالع للحياة يبني ربيع
فجأة يلاقي نفسه
في اشاره مرور واقف يبيع
مش ده اسمه ظلم
يالي بتنشدو باحلام الطفولا
بالمناسبه ايه اخبار الطفل شنوده ؟
زمان كانوا بيخوفونا
بحكاوي امنا الغولا
اتاري الغولا
حقيقة وعيشا فينا
لما يتاخد طفل
من بين ايدينا
ويترمي في الملاجئ
ايه تاني فضلي
وانا طالع فيكي ناشئ
منين هيجي الخير
والقلوب لساها سوده
الايام الجميله ماتت
واللي ماتت ما ليها عوده
كفايا تضحكوا علينا بالغناوي
واحتفظي بقانونك
انا غيرك
مليش في الفتاوي
حقوق النشر محفوظه
رزق عبدالله
