محرر الأقباط متحدون
شن الدكتور محمد محمود الكاتب والمفكر، هجوم حاد علي الداعية السلفي حاتم الحويني بعد تصريحاته الأخيرة التي قال فيها أن الملك تشارلز أثناء تنصيبه اقسم بالولاء للكنيسة وأن بريطانيا دولة دينية وليست علمانية!
ونشر الدكتور محمد محمود عبر حسابه الرسمي علي موقع التواصل الاجتماعي فيس بوك، صورة لتصريحات الحويني: الملك تشارلز أثناء تنصيبه أقسم بالولاء للكنيسة البروتستانتية وحمايتها دولة دينية.. كان قسماً دينياً صرفاً؛ وكأن بريطانيا ليست علمانية!! هم صنعوا العلمانية ونحن لبسناها.
وعلق محمد محمود: "المخلوق ده من العصر الطينى الأول ، ولكنه عايش وسطنا وبيتكلم زينا وبيستعمل كل منجزات الحياة المعاصرة من موبايل لكمبيوتر لساعة يد لكاميرا لتلفزيون لعربية لطيارة وصولا لشطافة الحمام ومناديل الكلينيكس والحبة الزرقا".
وتابع: "كائن العصر الطينى ميعرفش ( وده شئ أساسى عندهم ) إن ملك بريطانيا ملك دستورى يملك ولا يحكم وملهوش أى تأثير سلبى أو ايجابى على الدستور البريطانى ولا العلمانية البريطانية وإن الحاكم الفعلى للدولة هناك هو رئيس الوزراء ، والملك منصبه شرفى فعادى جدا يكون رئيس الكنيسة هناك لأن ده مش ح يأثر نهائيا على اتباع الكنايس الأخرى ولا اتباع الديانات الأخرى".
وخد دى فى وشك بقي.. عمنا تشارلز راح الكنيسة فى أيرلندا وأقسم هناك على حماية الكنيسة الإيرلندية اللى هى مختلفة مع الكنيسة الإنجليزية وكمان اقسم على حماية الإيمان ككل.. يعنى اقسم على حماية كل المؤمنين بأى دين ، حتى ولو كان دين ابوك انت شخصيا.
تخيل بقى لو عندنا ملك دستورى ولا رئيس دستورى راح حسينية ولا جامع شيعى وقال من هناك أنه متعهد بحماية الإخوة الشيعة ... يا ترى موقفك انت واللى جابك ح يكون ايه من الحاكم ده بقى ؟
كائن العصر الطينى نموذج مقرف للى كان بيحصل طول الخمسين سنة اللى فاتت... واحد جاهل يقول كلمتين أجهل منه بدون توثيق ولا تدقيق ويقوم دالقهم على المغيبين اللى هما كمان لا بيدققوا ولا يوثقوا المعلومة وتكون النتيجة انتشار الجهل والخرافة بين الناس.
