بقلم / عادل غبريال
هو أنتوا ليه ؟؟!! ديماً ناسيني
ومحدش أبداً بيجيب  سيرتي
مع إن شنوده إبني ونور عيني
هيحمل إسمي ويكمل مسيرتي

#أنا أبو شنوده  💔💔💔
29 سنه وأنا محروم من الأولاد
كانت حياتي بلا هدف ولا معنى
واليأس ملا  قلبي  والخزن ساد
جسد بلا روح مسيره يوم يفنى

#أنا أبو شنوده  💔💔💔
أنا عايش ليه؟!  وبأشتغل لمين
ومين؟ هيشيل نعشي لما أموت
ماليش في الدنيا سند ولا معين
وحياتي مليانه . صمت وسكوت

#أنا أبو شنوده  💔💔💔
لحد ما الدنيا في يوم صالحتني
وحسيت إن ربنا  رجع ليا روحي
وشوفت شنوده وقلت  . دا إبني
داللي هيرجع الروح تاني لروحي  

#أنا أبو شنوده  💔💔💔
قلت خلاص  بقي ليا أبن ووريث
أبن يحمل اسمي  وعشانه أعيش
أكلمه ويبقي بيني  وبينه  حديث
أديله حبي وعمري بدونه مافيش

#أنا أبو شنوده  💔💔💔
ضحكته كانت بتخلي قلبي يرقص
كلمة بابا كانت بتحسسني بوجودي
حبه ف قلبي💖بيزيد مش بينقص
وجوده ف حياتي كان بيقوي عودي

#أنا أبو شنوده  💔💔💔
ليه؟!بعد ده كله تاخدوه ياناس مني
ليه تحرمونا منه؟! شنوده حته مننا
د شنوده ليا ولأمه هو القلب والنني
أرحمونا ورجعوه بلاش تبعدوه عننا

#رجعوا لينا الروح
قبل ما الروح تروح

#أنا أبو شنوده  💔💔💔
#بقلم / عادل غبريال