لم تتمالك الفنانه سماح أنور دموعها أثناء حديثها عن الفنانين الراحلين سمير غانم وسمير صبري.
كان ذلك خلال لقائها في برنامج "أسرار النجوم" من تقديم إنجي علي عبر إذاعة وقناة "نجوم FM" عندما تذكرت سماح أنور ما فعله سمير غانم معها خلال فترة علاجها بعد الحادث الذي تعرضت له وقالت: لولاه بعد ربنا أنا مكنتش همشي على رجلي.
سماح أنور ولحظات تاثر بعد حديثها عن سمير غانم
وتابعت: سمير غانم كان بيرشحني للأعمال وكان بيصر عاوزني أتواجد واشتغل، أفضاله على عمري كله من وأنا عندي 16 و17 سنة هو أهم حاجة في حياتي، اللي خلاني أمشي على رجلي، مكنتش عارفه هعمل إيه ولا هتعالج إزاي وهو اتصرف وكلم الديوان الملكي في السعودية وشالوا علاجي 10 سنين.
وتابعت لتتحدث عن سمير صبري معبرة عن حزنها مما حدث وقيل عنه بعد وفاته قائلة: وجعني أن الناس تتكلم عنه وحش، وكل الكلام تأليف، واللي بيتكلم عن حد ساب الدنيا بشكل شخصي دا بياكل لحم الناس ميتة، حد بيتاجر وعاوز الناس تسمع عنه ويأخذ 3 دولار من السوشيال ميديا، أنا مش هرد على اللي اتقال لكن اتقهرت سمير صبري كان رجل وفي وعمره ما غلط في حد، الناس توحشت ومبقاش في حرمة للميت، إحنا واقفين في الطابور ومحدش عارف الدقيقة الجايه مين هيكون الخبر اللي جاي.
