كتب - محرر الاقباط متحدون
قالت الاعلامية ياسمين عز :" الرجل يعاني من زوجته الشكاءة البكاءة، التي تكشر في وجهه .
مضيفة خلال تقديمها برنامج (كلام الناس) المذاع عبر فضائية "mbc مصر " البيت بفلوسه كذلك الاثاث والسجاد ورغم كدة مراته تقوله اقلع الجزمة برة عشان خايفة على السجاد .
واثارت تصريحات عز غضب الكثير من رواد مواقع التواصل الاجتماعي حيث بذلك انتقدت كل امرأة منظمة تهتم بنظافة منزلها واعتبرتها متسلطة تحب السيطرة على زوجها.
وكتبت حساب باسم ماجدة احمد :" الموضوع نضافة مش إمارة احنا مش عايشين ف لوس انجلوس المذيعة دي لو بتنضف بيتها كانت عرفت ان دي حاجة متزعلش الراجل ولا اهانة ودي عادة طيبة ان الولاد يتعود ا علي كده.
كما علق حساب باسم ام ندى :" المفترض ان المقصود بخلع الحذاء هو نظافه المكان اللى بتمشى فيه انتى واولادك مش بتشوفو اليابانين او الكوريين بيعملو ايه اول ما يدخلو البيت بيبدلو الحذاء بحذاء خاص للبيت ويعملو تعقيم كمان بنتك او ابنك بيحبو على الارض المفروض المكان يكون خالى من الميكروبات والجراثيم.
