كتب - محرر الاقباط متحدون
تلقى الاخواني الهارب بهجت صابر ، الذي يحرض على الجيش المصري والشرطة من الخارج، صفعة جديدة ، وكان صفع بهجت اكثر من شخص مصري من خلال الحديث او بالضرب على قفاه.
الصفعة الجديدة جاءت ايضا من قبل مصري ، من خلال احراج الارهابي وتلقينه درسا في الوطنية.
عرضت فضائية (العربية) تقريرا مصورا للموقف المحرج الذي اخرس لسان الاخواني بهجت صابر، وبطل الموقف شاب مصري، دخل في حوار مع صابر، فلقنه درسا في الوطنية، ونقل الصورة الصحيحة لما يحدث في مصر .
وقال الشاب :" عملك طرق وكباري (يقصد الرئيس السيسي) ، مش في حاجة اسمها بنية تحتية في اي بلد في الدنيا.
مضيفا :" ناس كتير هنا على علم بانجازات الرئيس السيسي ، انت بس اللي عايش هنا في امريكا من ٢٧ سنة، انزل شوف بلدك فيها ايه دلوقتي .
ولفت الشاب الى ارتفاع الاجور قائلا :" انزل شوف الاجور اللي كانت كام وبقت كام دلوقت .
واضاف الشاب مختصا الاخواني :" المدرسين دلوقتي بياخدوا بالالفين والتلاتة والاربعة، من عشر سنين كانوا بياخدوا ١٥٠ او ٢٠٠ جنيه .
وتابع :" الاجور ارتفعت في زمن السيسي، قولي انت يا بهجت دخلك كام دلوقتي في امريكا.
ورد صابر في كذب واضح :" دخلي صفر هنا في امريكا، لاني مش شغال، حيث من المعروف ان بهجت يحرض على هدم الدولة المصرية من الخارج ويجني مقابل ذلك من تنظيم الاخوان الالاف الدولارات .
ضيق عليه الشاب الخناق قائلا بسخرية :" دخلك صفر وعايش هنا في امريكا ، انت ربنا يباركلك والله العظيم، محدش بيصرف عليك وطبعا انت اللي بتصرف على نفسك ؟!.
وتابع الشاب :" اومال بتاكل وتشرب منين ؟!، رد صابر :" عندي دخل وعالي جدا كمان، فاختصه الشاب :" طاب مالك بقى بالناس.
فزعم صابر :" عاوز اعيشهم زي ما انا عايش.
واستكمل الشاب حديثه :" بلدنا والله كويسة وهتبقى احسن.
الفيديو الذي تداوله الرواد اثار تفاعلا كبيرا وسط اشادات بالشاب المصري الذي احرج الاخواني الهارب وبين كذب ادعاءاته.
وكتب حساب :" تسلم لسانك مصري اصيل، وعلق اخر :" والله تسلم يا محترم ، دا راجل مصري محترم عامل حساب لتراب مصر ، مصر قوية بالشرفاء امثالك .. تحيا مصر .
كما كتب معلقون :
والله انت راجل محترم وبتخاف علي بلدك والبلد بخير طول ما فيها ناس شرفاء محترمين مثلك.
محمد السيد من الرجال المحترمة والشخصيات المحترمة جدا فمعاملته ، بهجت محتاج حد يظبطه.
يا حبيبي ده شغله الى بياكل منه عيش قله الادب على البلد، مفكر نفسه معارض ده واحد لا يمت للانسانيه بشئ.
يذكر ان شرطة مدينة نيويورك الأمريكية، كانت القت القبض على الإخواني الهارب بهجت صابر الذي اشتهر بالفاظة النابية.
وذلك خلال قيامه ببث مباشر، حيث استقبلت الشرطة شكاوى من سيدات تتهمن صابر بشتمهن وسبهن.
