كتب - محرر الاقباط متحدون
طالب أقباط النائب العام، بالقبض والتحقيق مع (تيك توكر) حسابه على التيك توك بعنوان "البرنس المصري"، وقال انه يتعمد اهانة المسيحية خلال فيديوهاته، ما اثار غضب ملايين الاقباط.
وكتب اقباط فى عدة منشور متداوله :" الشخص ده عامل اكونت علي التيك توك بإسم "البرنس المصري" .. وبيصور فيديوهات وهو لابس ملابس كهنوتية ومعلق الصليب وراه "بالمقلوب" وماسك في ايديه صليب برضه بالمقلوب.
هذا الشخص بيهين المسيحية ورموزها المقدسة اهانة واضحة بالألفاظ والحركات والقول والفعل .. بإسمي وبإسم كل أقباط مصر بنطالب بسرعة القبض عليه ومحاكمته منعآ لاثارة الفتنة وتكدير السلم العام.
ياريت كل اللي يشوف البوست ده يعمل شير علي صفحته او كوبي .. علشان الرسالة توصل بشكل جماعي.
وحملت تعليقات الاقباط غضب واضح لاهانة عقيدتهم من قبل هذا الشخص، وفيما يلي ابرز التعليقات :
على فكره اي مساس برجال الدين يعني مش رجوله منك او انت فاكر هتجيب نسبه مشاهدات لا دي انت هتاخذ غضب ربنا كثير الناس دول بيتعاملوا مع ربنا مباشره فبلاش تهين نفسك وتهين عيلتك وتهين بلدك ربنا موجود.
انسان تافه ولابد من عقاب الاشكال دي.
فين قانون ازدراء الأديان ؟!.
ده تافه هو واللي وراه.
محاكمه فورا حفاظا علي شعورنا.
صاحب الصليب يتصرف فيه.
وكتب حساب باسم عماد صليب عبر جروب (بيت على الصخر) :" تم قفل الصفحه بتاعته وان شاء الله جاري المحاكمه بتاعته المنشور مستمر مش هنشيله عشان هيبقى في بلاغ للنائب العام مش بس قفل صفحته كمان نحظره ويتحكم.
