د.أمير فهمى زخاري المنيا
◇ متحميش ابنك عمال علي بطال خلي الحموم عند اللزوم و الحموم يكون بالليل وينام ميخرجش بعديها .
◇شرب الميه قبل الخروج من البيت دا شئ اساسي الصبح او بالليل واهم شي السوايل الدافيه ثم السوايل الدافيه ثم السوايل الدافيه.
◇الطفل وهو نايم بالليل يلبس لبس كامل وتقيل لانه مش بيتغطي ولو اتغطي بيكشف الغطا.
◇ تهويه المنزل يوميا في الوقت من 10 صباحا الي 1 ظهرا علشان نجدد هوا البيت ننقي الجو وندخل هوا نضيف.
◇ لو في حد في البيت بيدخن ياريت يدخن بره البيت واول مايدخل يغير هدومه وياخد دش لان الدخان ليه اثر سلبي علي كل الاطفال .
◇ الموز والتفاح والجواف بيقوا المناعه اكثر وخصوصا للاطفال في الشتاء.
◇ الكمثري والبلح كلهم فيتامين سي وحديد يقوا دم ابنك ويزودو المناعه.
◇ معلقه عسل نحل علي معلقه زيت زيتون علي علبه زبادي يوميا تقوي المناعه وتفتح النفس علي الاكل.
◇ لو انتشرت عدوي في الجو قعدي ابنك من المدرسه مش تستني لما يتعدي ولو ابنك تعب قعديه من المدرسه علشان ميعديش حد.
◇ لو الجو برد شديد اوي وفيه مطره ابنك مش الثانويه يعني قعديه من المدرسه عادي خالص.
◇ ابنك عنده حساسيه او معندوش حساسيه بلاش يلبس صوف او يلعب بلعب الدباديب والحاجات اللي بتعبي تراب وبتكون مركز للجراثيم والفيروسات .
◇الموضه اليومين دول كل واحد مربي قطه بفرو، في البيت ونايمه معاهم واكله وشاربه معاهم دى مصدر كبير للفيروسات والفرو بيذود الحساسية..... انا بقول نربي عيالنا احسن .
◇ابنك اللي اقل من 4 سنين ميروحش الحضانه غير في الايام اللي الجو فيه كويس.
◇ اكل طازه كل يوم وبلاش كسل ( شوربه الخضار _ شوربه العدس_ شوربه فراخ و شوربه اللحمه ) مفيده جدا في البرد.
◇ لو بتلبسي ابنك قطعه وحده او بتلبسيه 100 قطعه زي مايقلع يلبس يعني زي قلع 4 يلبس زيهم 4 مثلا يعني.
◇ لما تحبي ترضعي ابنك مش تاخديه في جو برد وترضعيه لازم ترضعيه في مكان دافي ليه ؟
(لان الطفل لو في مكان برد هيبقي زوره بارد واللبن بطبعه هينزل سخن يبقي سخن علي بارد نشاط للبكتريا والفيروسات).
◇ طبعا نظافه صدرك وبالذات الحلمه قبل كل رضعه علشان الميكروبات والفطريات .
◇《فيتامين C وفيتامين A 》جامدين في الشتاء وبيزودو المناعه جدا وبالدراسه وبالخبره وكمان فيتامين D مهم ومفيد جدا وبيقلل ادوار البرد جدا.
◇ معظم التهابات الشتاء فيروسيه مش بكتريا ... بلاش تجري وتدي مضاد حيوي عمال علي بطال.
◇ رشح وعطس مضاد للحساسيه.. زي زيرتك وفنستيل وتلفاست وكلارتين واخواتهم وسوايل دافيه.
◇ حساسيه انف بخاخه نازونكس او فلكسينوز و مضاد للحساسيه.
◇التهاب رئوي لنتحجز في مستشفي يأما نجيب جهاز الجلسات في البيت ومتستخسرش في طفلك تحليل او اشعه تثبت بيها هو عنده ايه دا الصح.
◇ من اسواء الامراض في الشتاء النزله المعويه لانها بتكون فيروسيه وجفاف مباشرة متكسليش تكشفي بسرعه علي النزله المعوي.
اتمنى الاستفادة....
د.أمير فهمى زخاري المنيا
