د. أمير فهمى زخارى المنيا
اعملي الــ15حاجة دول:
1- عند غسل الشعر بالشامبو اقلبي رأسك لأسفل واقلبي شعرك للإمام وادعكيه بينشط الدورة الدموية للشعر وبالتالي يمنع سقوطه.
2 - زبدة الكاكاو لدهن كعوب القدم (اللي بنستخدمها للشفايف) بتخلي الكعوب تحفة ادهنيها بالليل والبسي شراب وشوفي النتيجة الصبح. اوك.....
3 وانتى على الكرسي وقاعدة قدام الكمبيوتر قومي واقعدي 5 دقايق بتتخلصى من الإرداف والشحوم المتركزة في هذه المنطقة.
4 اغسلي وشك بالصابونة واتركي الرغوة وضعي أربع نقاط معجون أسنان على الرغوة وادعكي وشك وبعدين اشطفيه (قومي جربى وارجعي ردى وادعيلى) بيفتح البشرة ويديها لون وردى هتحسى ان البشرة بتتنفس (متجربة).
5 - للمعان الشعر قبل السشوار اشطفي شعرك أخر شطفه بالماء المضاف إلية الشاي المغلي بعد تبريده واتفرجى وادعيلى.
6 - دايما اشفطى بطنك للداخل كل ما تفتكرى ... شهر وبطنك هتختفى احسن من اى تمرين الشفط بيقوى عضلات البطن حتى مع الحمل والولادة.
7 - اخلطي كريم الأساس في كف يدك مع كريم مرطب واقفلي اليد الأخرى واخلطيهم مع بعض وضعيهم على الوجه يمنع تكتل كريم الأساس وهيديكى لمعة تحفة ويمنعه من التشقق مع الوقت الطويل ولا اغلي ماركة.
8 - اغلي نصف فنجان ماء مع كركديه واخلطي المية بعد الغلي مع فازلين وادهني شفايفك كل يوم بالليل أسبوع شفايفك بتبقى وردى طبيعي لمدة شهر.
9 - شرش الجبن (أو الماء اللي بيكون في علبة الجبنة) حطيه في زجاجة وادهني وشك منة مرتين في اليوم وادعيلى تفتيح وترطيب وإزالة البقع والنمش.
10 - تغيير نوع الشامبو كل أربع شهور لان شعرك بياخد علية ولو بتحبى نفس النوع ابقي ارجعيلة بعد التغير عادى بس غيري وارجعي.
11 - ضعى طلاء الا ظافر فى الثلاجة قبل وضعة هينشف بسرعة ويتحط بسرعة (من أسراري).
12 - لو قرصتك ناموسة او نمله فجاة وعندك خروجة بسرعة حطى عليها اى نوع من قطرة العين.
13 - خايفة على الشراب النايلون من القطع اغسلى رجلك ببلسم الشعر واشطفى رجلك هتبقى نعمة موت حتى لو مش هتلبسى شراب.
14 - مزيل الماكياج استخدمي الذبادي لإزالة الماكياج ومنة ماسك سريع هتتصدمى من النتيجه.
15 - قشر الرمان نشفيه فى البلكونة كويس ودقية واطحنية بودرة وضعية تحت الابط لمدة أربع ايام رائحة العرق بتختفى شهر.
دول15 نصيحه من استشاريه تجميل في كتاب لها بعنوان خبرات السنين لجمال المرأه ... نقلتها لكم ... جربوها يمكن تستفادوا منها ... تحياتى...
د. أمير فهمى زخارى المنيا
