تحدث الإعلامي محمود سعد عن الحضور الجماهيري الكبير لحفل مطرب الراب ويجز أمس في التجمع الخامس كما انتقد نقيب المهن الموسيقية مصطفى كامل، بسبب الشروط التي وضعها مؤخرًا على مطربي الراب.
وقال محمود سعد في فيديو عبر حسابه على موقع التوصل الاجتماعي Facebook: "مصطفى كامل قال لازم مغنيين الراب يغنوا بفرقة وبعدين تراجع وقال لازم يبقى معاهم 6 عازفين وحاجات عجيبة أوي.. وأغنية كله على كله لما تشوفه قوله، لما كنا صغيرين كنا بنغنيها لكن الصحافة دبحوا عدوية".
وذكر محمود سعد: "شفت حفلة لويجز وشفت منظر رهيب فكرت إنها صورة مش حقيقية، ولكن حضرها 52 ألف والناس تهاجم ويجز، ولكني مستغرب شروط مصطفى كامل لما قال لازم مطربي الراب يغنوا بفرقة دي حاجة عجيبة مفيش حد يشترط على مطرب يغني ازاي غير الملحن".
وأضاف: "الغنا ده حياة الروح زي ما قال بيرم التونسي، لأنه الفن الوحيد اللي ممكن يمارسه أي حد في أي حتة وأي مناسبة، وانت مبسوط بتغني وانت زعلان ومتضايق بتغني، الغنا ده بيعبر عن الناس يعني مش حاجة فيها انت عايز الناس تغني على مزاجك هو حر ليه تشتموه الغناء مزاج مكانش يبقى فيه فايزة ونجاة ووردة وشادية وأنغام وشيرين".
وتابع: "دايما الجديد بيكون عامل قلق، والدنيا اتغيرت ويجز مش بيحتك بأمور سياسية ولا بيمس أمور دينية ولا بيقدم حاجات فيها إباحية، ويجز بيأسس لفن جميل تعالوا نساعده يمكن محتاج مساعدة، ومحتاج أراء داعمة وفي 52 ألف شخص نزلوا يسمعوه في حفله الأخير وأغانيه على يوتيوب جايبة 100 مليون".
وغنى ويجز خلال حفله الأخير العديد من أغانيه الشهيرة مثل "دورك جاي" و"أميرة" و"البخت" و"21"، وغيرها من أغانيه الشهيرة.
وفي سياق متصل، تألق ويجز بحفله في لندن ورفع علم فلسطين تأكيد منه على دعمه للقضية الفلسطينية، كما شاركه مطرب الراب الفلسطيني شب جديد وقدما سويا أغنية "إن إن".
كما رفع ويجز العلم المصري والتقط صورا مع جمهوره الكبير في نهاية حفله معبرا عن سعادته بلقائهم.
وقدم ويجز مجموعة من أغانيه وسط تفاعل كبير من الحضور الذين رددوا معه كل أغنياته ومنها "البخت" و"دورك جاي" و"باظت" و"بعودة يا بلادي" كما قدم أحدث أغنياته "أميرة" التي غناها لأول مرة على المسرح.
