د.امير فهمي زخاري المنيا
من خلال دراسة حمض الفوليك والبحث عن أهميته ,,أقدر أقول حرام فى حق كل زوج وزوجه انهم يكونوا سبب فى ضرر طفلهم بسبب التكاسل او بعدم الاهتمام بمتابعة حالتهم الصحيه ...
البوست دا مهم جدا لكل الناس ولكل أسره حديثه مش لازم يكون حد فى صيدله او طب وبالذات المتزوحين او اللى بيخططوا للحمل عشان صحة الجنين ونحافظ عليه 👶👶
حمض الفوليك مهم جدا بالنسبه للبشر كلهم ...وبالنسبه للرجل بالاخص ..وبالنسبه للمرأه قبل الحمل واثناء الحمل ...وبالنسبه للجنين ودا الاخص بالذكر ..
👮بالنسبه للبشر 👸
...فالفوليك أسيد عباره عن فيتامين ب٩ ومن حكمه يعلمها الله ..تصنيع الفوليك اسيد دا مش بيتم جوا جسمنا ولكن بناخده من الاكل اللى بناكله وضرورى جدااااا وجوده ف الجسم عشان ليه وظايف مهمه جداا..📢📣
⚽فهتلاقيه بيلعب دور مهم فى تصنيع ال DNA و RNA وطبعا دول اهم حاجه فى تصنيع الخلايا
⚽هتلاقيه بيلعب كمان دور مهم فى تصنيع خلايا الدم الحمراء RBCs
📎وفى الدراسات الجديده قالت انه بيحسن من الذاكره وكمان بيحسن من صحة القلب !
يعنى مهم جدا بالنسبه للبشر ..🔊
👳اما بالنسبه للرجل 💂
دراسه جديده بتأكد استخدام الفوليك الاسيد فى الرجال
الدراسه بتقول انه فيه رابط بين خصوبة الرجل وبين حمض الفوليك
ايه الرابط بينهم ؟!🙏🙏
انه بيقلل من خطر تشوه الحيوانات المنويه ودا كويس جدا لان كل ماتزيد الجوده بتاعة الحيوان المنوى بتقل فرص حدوث تشوه جينى وبالتالى يكون الجنين مولود خالى من التشوهات 👶👶
وبكدا نحافظ على صحة الطفل اللى جاى 👶
👩بالنسبه للمرأه أثناء الحمل 👵
لانه فيتامين مهم جدا لانتاج الخلايا الجديده والحفاظ عليها ومش بس كدا دا مهم بشكل خاص عند انقسام الخلايا وعشان كدا حمض الفوليك لو مش موجود مش هيحصل انتاج للماده الوراثيه ( DNA)اللى اساسى فى تخليق الجنين وكمان تصنيع كرات الدم الحمراء وعشان كدا فرضا وإلزاما واجب على كل حامل تاخده غصب عنها 😈👿👿
👶👶 بالنسبه للجنين والمرأه قبل الحمل 👸
دى اخطر حاجه واللى لازم كله ياخد باله منها ..انه لو فيه زوجه بتخطط للحمل ما تستناش لما تروح للدكتور ويكتبلها انها تاخد حمض الفوليك ولكن الافضل تاخد قبل مايحصل حمل اساسا بفتره !
السبب هنا :🔊📢📣
إنه نقصه فى الحامل وبالذات فى الاسابيع الاولى بيؤدى الى حاله اسمها Spina Pifida ( بتحصل للجنين ودى بسبب Neural Tube Defects)
🚫☣ ودى عباره عن عدم اكتمال قفل العمود الفقرى ... والفقرات ماتقفلش كويس فممكن يخرج جزء من الحبل الشوكى للخارج ودى مشكله مش سهله وعلاجها صعب جدا دا غير التشوهات اللى هتحصل للجنين فى ضهره وكمان الحاله دى مش نادره ..دى بتحصل باعداد كبيره توصل للألاف كل سنه ! 💹💹
طب ليه نخاطر بحياة الطفل وصحته حتى لو الاحتمال 1% وممكن نقضى عالموضوع من الاول ونمنع حدوثNeural Tube Defects والحل بسيط 💊💊
انه حضرتك اول ماتتجوزى أو أول ماتخططى للحمل تكونى مجهزه اقراص حمض الفوليك (Folic Acid) وتاخدى منه ودا مجرد فيتامين عادى ومهم ليكى حتى لو مفيش حمل ومش غالى خالص فمفيش تكلفه ...لانه على بال ماتروحى للدكتور ممكن يكون عدى اسبوع او اتنين عالحمل وبكدا الجنين احتمال يكون عرضه للحاله اللى قولنا عليها زى ماواضح فى الصوره مع البوست ...
الف سلامه عليكى وعلى طفلك والاسره .. تحياتى..
د.امير فهمي زخاري المنيا
