كتب: محرر الأقباط متحدون
فرح بين الاوساط العربية دون استناد إلى حقيقة، وهذا الفرح مرتبط باشاعة حول دخول الممثل الأمريكى مورجان فريمان.
ووسط هذه الضجة غير المبررة من قبل الشعوب العربية، يرى الدكتور خالد منتصر الكاتب والمفكر، مدى التأثير على عقول البسطاء بالمزاج السلفة ، حيث أصبح البحث عن الانتصار الوهمى الزائف أقصى طموح.
وأوضح "منتصر " أن الممثل الأمريكى مورجان فريمان الذى فرح الجميع لدخوله الاسلام هو ملحد.
وقال "منتصر" عبر حسابه على موقع التواصل الاجتماعي فيسبوك " فعلاً الناس دي صعبانه عليابجد!!
المزاج السلفي المسيطر واللي جرف عقول معظم المسلمين بقى مثير للشفقة ،بقينا بندور على أي انتصار وهمي زائف ،وعينا الجمعي أصيب بضلالات وهلاوس مرعبة، اجتاحنا وباء بفيروس مغالطات منطقية وتبلد ذهني جعل أي منطق في النقاش مالوش أي جدوى ،
مورجان فريمان تقريباً ياجماعه شبه ملحد ومالوش في قصص الدروشة بتاعتنا دي ،والاسلاميين عاملين فرح إنه اعتنق الاسلام !!!
الناس دي العالم حيتعامل معاهم ازاي ؟؟!
واحنا كمسلمين حنتعامل ازاي مع المستقبل، اللي الناس فيه بره حيشكلوا بني آدمين بالهندسة الوراثية وحيسكنوا كواكب تانيه وحيركبوا شرائح الكترونية في أدمغتهم وحيصنعوا السوبرمان ..الخ
احنا بقينا أمة بائسة بحق وحقيقي ،فرحانين اننا بنزيد في العدد بشكل سرطاني لكن في نفس الوقت مش عارفين ان مصيرنا الانقراض زي الديناصورات لو فضلنا على هذا الحال البائس من عدم التكيف مع الحضارة والحداثة.
