علق الإعلامي عمرو أديب على الأخبار المتداولة عن دخول كثير من الجمهور المتواجد في قطر لمشاهدة كأس العالم 2022 الدين الإسلامي.
وقال «أديب»، في تعليق خلال برنامجه «الحكاية»، الذي يعرض عبر قناة «إم بي سي مصر»، اليوم الجمعة: «قطر مشكورة بتقوم بنشر تعاليم الإسلام أثناء كأس العالم، هذا أمر محمود».
وأضاف: «إنما ييجي يقولك الله أكبر والعزة لله، أسلم 3 في نص ساعة، إنت لحقت تقوله إيه، ده الرسول قعد سنين، ده سيدنا محمد، يعني لو تقلت عليه نص ساعة يروح دين تالت، إزاي الكلام ده!».
وأوضح: «بالعقل يا جماعة، 3 في نص ساعة، يعني لما قرأت له الفاتحة أسلم، يعني لو اشتغلت 24 ساعة تعمل 150 بني آدم في اليوم، ده كلام، عايزين نحترم دينا، الدين الإسلامي محتاج تشرح وتبين عظمته، إنما في نص ساعة، ده إيه؟! سحر يعني؟!».
وتابع أديب: «حاتم الحويني قال لك 558 من مشجعي كأس العالم أسلموا خلال أسبوع، الرسول قعد 13 سنة، حاتم الحويني عمل رقم قياسي عالمي جديد، يمكن أكتر من الأجوال اللي دخلت في الدور الأول».
