كتب - محرر الاقباط متحدون
عرضت فضائية (العربية) تقرير مصور، يتضمن واقعة انتحار جديدة للشاب يدعى سامح محمد، و اعلن الشاب انهاء حياته وترك رسالة مؤثرة عبر فيسبوك قال فيها :" ادعولي ربنا يسامحني، مبقتش قادر أستحمل.
واضاف :" طمعان في مغفرة ربنا ثم في دعائكم ، يارب أنا حاولت استحمل لآخر لحظة ممكنة وأنت عالم بده، فاغفر لي فأنا عبدك الضعيف، نفسي لو مش هدخل ولو اقل درجة في الجنة مدخلش النار .
وأوصى الشاب الجميع بحضور جنازته والدعاء له يوميا والتصدق على روحه ولو كل شهر بشق تمرة.
الشاب الذي يعمل بمدرسة رواد الفضاء طلب من الذين علمهم ان يستمروا في نقل علمه ليكون صدقة جارية على روحه.
ولفت الشاب في رسالته :" مسامح كل الناس ما عدا 2 دمروا حياتي بكل ما تحمله الكلمة من معاني وظلموني .. في طبيب نفسي بيحكم ع الناس من غير ما يسمع لهم ولا يشوفهم حتى قالي عايز تموت نفسك روح.
رواد التواصل الاجتماعي تفاعلوا مع منشور الشاب ودعوا له بالمغفرة والرحمة من الله، بعد أكد بعضهم انه القى بنفسه من شرفه منزله في الاسكندرية وفارق الحياة .
كما كشف بعضهم ان الشاب تعرض للتنمر من طبيبين نفسيين كان يتردد عليهما للعلاج وعاملاه بقسوة شديدة وأفقداه الثقة في نفسه وفي قدرته على الشفاء.
وخيم الحزن على رواد التواصل الذين ألقوا اللوم على الاشخاص الذين جعلوا الشاب يقدم على الانتحار ولم يخففوا عنه تداعيات الاكتئاب، وفيما يلي ابرز التعليقات :
حسبي الله ونعم الوكيل في الي وصل شاب زي الفل كده للانتحار ..ربنا يسامحك ويغفرلك.
لا حول ولا قوه الا بالله ليه بس كده وجعت قلوبنا، ربنا يسمحك ويغفرلك ويرحمك برحمته الواسعه.
ربنا يرحمه ويغفر له فعلا الحياة بقت قاسية جدا علي كل الناس رحمتك يارب.
ربنا يرحمك ويسامحك ويغفرلك ...انا معرفش ايه الظروف الصعبة اللي مريت بيها....اكيد ظروف قاسية لم تقدر علي تحملها ولم تجد من يقف بجانبك ..لم تجد الايد اللي تطبطب ...لم تجد سند الأهل والاقارب ..عشان كده بقول للاهل ..ضموا ولادكم في حضنكم ..احتووهم ..شوفوا مشاكلهم واهتموا بيهم.
لا حول ولا قوة إلا بالله ربنا يرحمه الدعم النفسي للشباب بقي شبه معدوم وللأسف بتكون دي نتيجته ربنا يصبر أهله ويرحمه.
يارب انت عالم بكل واحد فينا اسالك ان ترحمه بفيض رحمتك وعفوك وكرمك ولطفك يا رحمن يا رحيم.
حسبي الله ونعم الوكيل في الي يقول كلمه مهينه لانسان توصله للحاله دي.
يا قلبى الله يرحمه يارب ويخفف عنه ويعفو عنه ويدخله الجنه من غير حساب ولا سابقه عذاب.
يا خساره . كان شكله محترم وكويس . حسبي الله ونعم الوكيل في اللي وصلوه لكده. منهم لله. الله يرحمه ويغفر له يارب.
يا وجع القلب ربنا يرحمك و يغفرلك و ينتقم من اللي وصلوك لكدة و كل اللي زيهم.
