كلمات ✍️ عادل غبريال
نفسي أحضر العيد في بيتي
وسط أبويا وأمي مع أصحابي
نفسي أرجع أفرح تاني بعيدي
وألعب بلعبة العيد ويا أحبابي
#رجعوني لعيلتي🚶♂️👨👩👧
نفسي أخد من إيد أبويا العديه
نفسي أمي تلبسني لبس العيد
نفسي أصلي ⛪ قداس العشيه
وأتناول وأرجع بيتي وأنا سعيد
#رجعوني لعيلتي🚶♂️👨👩👧
ليه ؟؟!!! تحرموني أعيش سني
ليه ؟!! تخلوني طول العمر ذليل
غيرتوا إسمي وحرمتوا أمي مني
وجعلتوني ف دار اليتم ده نزيل
#رجعوني لعيلتي🚶♂️👨👩👧
هو ليه الرحمه أختفت م القلوب
والناس مبقتش تحس بالأوجاع
والدنيا ليه بقت ماشيه بالمقلوب
والحب والعطف والحنان ضاع
#رجعوني لعيلتي🚶♂️👨👩👧
ذنبي إيه أنا بالصراعات إل بينكم
تظلموني ليه؟؟! وتغتالوا طفولتي
أرحموني وطلعوني بره حساباتكم
بلاش تدفنوا برائتي
#ورجعوني لعيلتي
#مش هننساك يا شنوده
#رجعوني لعيلتي🚶♂️👨👩👧
#بقلمي عادل غبريال
