كتب: محرر الاقباط متحدون
تقام خلال هذه الأيام الحفلات الخاصة بأعياد الميلاد " الكريسماس" ابتهاجا بالعام الجديد، وفي احتفالية خاصة يتواجد خلالها بعض المرنمين بجانب القس جوناثان رفعت كانت هناك شروط للحضور كما كتبها الشاعر مينا مجدى أحد المنظمين للحفل.
وجاء فيها:
لازم تكون عامل حسابك انك هترجع طفل صغير وهتفتكر كل ذكريات الطفولة واحتفالات الكريسماس
الحضور للبنات ب "اللون الأحمر" .. علشان يليق علي جو الكريسماس وليالي راس السنة
اعمل حسابك علي مناديل زيادة علشان ناويين ننكد عليك
اعمل حسابك إننا بعد ما ننكد عليك هنبسطك ونفرفشك ونفرحك ع الأخر
اعمل حسابك انك هتخرج شخص تاني خالص .. وحاجات كتير جواك هتتغير
ركز كويس علشان ربنا هيبعتلك رسالة خاصة ليك .. خلي بالك مش هتكون صدفة .. رسالة مبعوتالك مخصوص
لازم تكون حافظ شوية ترانيم علشان تقول معانا .. وعلشان متبقاش قاعد بتصقف بس
متتخيلش انك هتفضل قاعد علي الكرسي طول الحفلة .. هتقعد شوية و هتقف شوية .. علشان هنصلي مع بعض
متمشيش بعد الحفلة علطول علشان تلحق تتصور مع الناس الحلوة اللي هتكون موجودة
الحفلة هتتعمل مرتين .. المرة الأولي يوم الجمعة ٢٣ ديسمبر .. علي مسرح العدرا المحطة عزبة النخل وهيكون معايا "ابونا جوناثان رفعت - ساتر ميخائيل - مريم حلمي - سارة معروف" .. والمرة التانية يوم الحد ٢٥ علي مسرح مارمينا شبرا مصر وهيكون معايا "ايمن امير - اماني روماني - ماري لميع -ديانا ماهر".
