د.امير فهمي زخاري المنيا
رغم انه مش مصطلح طبي علمي ، إلا أن جامعة ستانفورد وصفت هذه الحالة "متلازمة البطة"
the Duck Syndrone
و هي متلازمة يعاني منها ناس كتير ..
الاسم ده جه لأن البطة تبدو من فوق المية هادية و متوازنة و انسيابية، لكن تحت المية بتحرك رجليها بعنف واضطراب شديد ..
كده برضه ناس كتير من بره هاديين ورايقين، لكن من جوه قلق و خوف وحيرة وحزن شديد مستخبي تحت الهدوء الظاهرى..
تشمل عوامل الخطر لمتلازمة البطه تعرض الشخص لضغوط البيئة المحيطة به، وسعيه الدائم لمواكبه المتطلبات الشخصية والعائلية، وبذل كل ما بوسعه لإنجاز مهامه، وشعوره أيضاً بالقلق، والأمراض النفسية الأخرى.
بالإضافة إلى تعرض الفرد إلى ضغط هائل نتيجة محاولته الظهور أمام الأخرين أنه متزن وهادئ ولا يعاني من المشكلات أو الاضطرابات، لما يتعرض له من ضغط لمراقبة الأخرين له.
لما تشوف واحد هادي مش دايما بيبقي مبسوط أو ما عندوش مشاكل .. هو بس مخبيها تحت ابتسامته علشان ما يتكسفش من نفسه قدام حد ..
قدروا تعب الناس، لما تلاقي واحد غضب فجأة أو زعل من غير مناسبة أو انطوي أو قفل علي نفسه أو ساب البيت (بعد الشر ) ، أعرف أنه كان مخبي كتير وشايل كتير وبعدين طاقته خلصت..
وختاما:
قال الأمام الشافعى أبيات لها جرس عميق الأثر في النفس ومن ذلك قوله:
× ولرب نازلة يضيق لها الفتى..... ذرعا وعند الله منها المخرج
× ضاقت فلما استحكمت حلقاتها..... فرجت وكنت أظنها لا تفرج
الهدف من المقال:
- ما تكتمش في قلبك، فضفض لربنا ولحد من اصحابك بتحبه ويحبك..
ويقول الكتاب المقدس:
"تَعَالَوْا إِلَيَّ يَا جَمِيعَ الْمُتْعَبِينَ وَالثَّقِيلِي الأَحْمَالِ، وَأَنَا أُرِيحُكُمْ." (مت 11: 28).
- لازم تقدر مشاعر الناس لان كل واحد فيه اللي مكفيه..
د.امير فهمي زخاري المنيا
