أكدت"، الذي شاركت في أحد مواسمه قبل سنوات، وكان سبباً في شهرتها.
وقالت زيزي، خلال حوارها مع الإعلامية ياسمين عز في برنامج "كلام الناس" المذاع عبر فضائية "إم بي سي مصر" مساء الجمعة،: "بصراحة لو رجع بيا الزمن أكيد مكنتش هروح عشان قراراتي دلوقتي وتغيير فكري وتقربي من ربنا يخليني أقول ياريتني معملتهاش، بس أنا مش بندم لإن كل حاجة لها ترتيب ولسبب معين".
وأضافت الفنانة المعتزلة: "ستار أكاديمي تجربتي بداية النجاح والانطلاقة، بعد البرنامج نزلت لقيت نفسي مشهورة مع إن مكانش عندي أغاني ولا ألبومات بس مشهورة كإني بقالي 10 سنين بغني، مصدقتش استقبال الناس في المطار لان هناك مفيش تليفزيون ولا كان معايا موبايل مكنتش اعرف إيه اللي بيحصل برة، بعد ما بتطلعي بيحصل صدمة انك مشهورة ومعروفة".
وكشفت زيزي عادل عن مفاجأة صادمة بعد سؤال ياسمين عز بشأن وجود كاميرات في كل مكان بالبرنامج، حيث قالت: "في كل حتة كان فيه كاميرا، الحمامات كان فيها كاميرات، بس مش في التواليت نفسه، لكن أمام الأحواض والمرايات، وانتي بتغسلي ايدك ووشك فيه كاميرات، ودي حاجة شوية بتضايق، وأول كام يوم كنت حاسة اني متراقبة".
