كتب - محرر الاقباط متحدون
عبر المفكر والطبيب خالد منتصر، عن إستيائه الشديد من حادثة اعتداء متشددين على كنيسة العذراء والأنبا صموئيل “أبيس الثورة” التابعة للبحيرة.
وكتب منتصر عبر صفحته الرسمية بفيسبوك :" أنا مش فاهم ايه اللي يضايق ناس على أد حالهم ،سكان في قرية من ترميم سقف كنيسة متهالكة في قرية ؟؟! هل كده استعدنا الأندلس وحررنا القدس؟ !.
وتابع :" نفس الناس دي اللي بتتظاهر بكل هذا الحماس وبترمي طوب وحجارة ورافضين ومستفزهم قوي ترميم سقف كنيسة ،هم نفسهم مابيستفزهمش منظر جبال القمامة في شوارعهم ولا طفح المجاري ولا غرز المخدرات ولا القهاوي اللي بتقفل على زباين مراهقين بعد منتصف الليل بيتفرجوا على أفلام بورنو ولا كراسي الفصول المكسرة ومنظر ولادهم قاعدين ع البلاط ولا عدم توافر ميكركروم في وحدتهم الصحية…الخ .
واختتم :" متآلفين مع كل ده وعادي لكن اللي مستفزهم قوي شوية أسمنت وزلط في سقف كنيسة!!!.
