كتب - محرر الاقباط متحدون
قال الاعلامي احمد سالم :" اخطر ناس علي الدولة هم من يهللون للقرارات الخاطئة اعتقادا منهم ان ده من قبيل الوطنية المفرطة و التأييد اللا ارادي.
مضيفا عبر حسابه على فيسبوك :" نشرت أمس صورة قديمة لكورنيش الإسكندرية في المنطقة الواقعة بين فندق و مول سان ستيفانو و بين شارع شعراوي ، وصورة حديثة لنفس المكان ،و فوجئت اليوم بواحد ممن يتخيلون انفسهم اكثر وطنية من سعد زغلول و ابراهيم الرفاعي ، وهو يهاجمني بأسلوب غير مقبول و يتهمني بالتضليل والتدليس مدعيا ان الصورة لمكانين مختلفين تماما !!!!!.
وتابع :" بس حفترض ضعف نظره و هقول لو كان سألني عن محل اقامتي او اطلع عليها في البطاقة كان هيعرف ان بلكونة بيتي تطل علي الموقع اللي في الصورة برؤية مباشرة و لولا وجودي في القاهرة كان زماني عزمته فيها علي فنجان قهوة ،و الدعوة مفتوحه لسيادته و لكل من يسمون انفسهم بالدولجية لزيارة الموقع علي الطبيعة و اللي بالمناسبة محدش عارف ايه هو بالظبط اللي openning soon لكن اللي نعرفه ان المنطقة دي صخرية و كانت ممشي عام و قد يكون الأمر مجرد إصلاح للمصدات و ليس مشروع انشائي جديد كما يتصور البعض ، واتمني ذلك .
