كلمات ✍️ عادل غبريال
خلاص أرتحت كده يا أرهابي
خلاص هو ده أخر ما عندك
قتلت كام واحد من أصحابي
ضميرك أرتاح ورضيت ربك
🇪🇬 🇪🇬 🇪🇬
معلش نسيت إنك بلا أي ضمير
نسيت إنك ملكش دين ولا رب
كل اللي تعرفه جاهل أسمه أمير
بيرميك للهلاك وهو مرتاح القلب
🇪🇬 🇪🇬 🇪🇬
فوق يا أعمى وأصحى من نومك
عمر إل أنت بتعمله مايرضي إله
أنت بتقتل وتأذي أهلك وقومك
خدمة لأمير . أنت ولا تفرق معاه
🇪🇬 🇪🇬 🇪🇬
هتفوز بالجنه وتتمتع بحور العين
ضحكوا عليه يا أهبل . جنة مين؟
اللي هيدخلها القتله والمجرمين
الجنه للي بيحب ويرحم للصالحين
🇪🇬 🇪🇬 🇪🇬
مهما تعمل مش هنخاف م أرهابك
مصر محفوظه حارسها إله الكون
أما أنت واللي ذيك أستنى عذابك
مكانك يا قاتل ف الجحيم هيكون
ومصر 🇪🇬 عمرها يوم ما هتتكسر
#والمصريون باقون
🇪🇬 🇪🇬 🇪🇬
#مصر مش هتنكسر 🇪🇬🇪🇬🇪🇬
#بقلمي عادل غبريال
