كتب - محرر الاقباط متحدون
شهد احد شوارع بورسعيد ، واقعة اثارت الغضب ، حيث قام موظف بحي شرق بورسعيد، بالاعتداء على عامل نظافة ولم يستجب لتوسلاته واعتذاراته
وكشف حمادة الرفاعي مصور واقعة الاعتداء على عامل النظافة التفاصيل لفضائية (العربية)، وقال :" قبل ما اصور الواقعة شفت الموظف كان عمال يضرب فيه مش بياخد منه العربية بس، والراجل بينضف الشارع مخدش منه حاجة.
وتابع :" الراجل مش بيسرق دا بيلم قمامة يفرز منها البلاستيك والكراتين وبعدين يبيع الحاجات دي ويسترزق.
موضحا :" قال للموظف انا مفطرتش من الصبح ماشي عمال الم في الحاجات دي، اللي حصل لجامع القمامة دا افترا.
ورأى مصور الواقعة :" التدخل مكانش هيجيب حق الراجل عشان كده قررت رصد الواقعة بكاميرا الموبيل ، التصوير هو اللي هيجيب للراجل حقه .
واضاف :" كلام الراجل للموظف يخليه يصعب على اي حد، خاصة في ظل الازمة اللي احنا فيها ، اهانته لجامع القمامة افترا.
كما اوضح :" قاله ابوس رجليك هات الحاجة انا مفطرتش من الصبح ، حتى لو الموظف بيشوف شغله بس بيشوفه باسلوب خالي من الانسانية والرحمة
وتابع :" الموظف لو عنده اولاد بعد اللي عمله مع جامع القمامة هيتبروا منه طالما بيعامل الناس بدون رحمة.
وبحسب العربية ايضا، رفض عامل النظافة الحديث عن الواقعة، معللا ذلك بأن أسرته الصغيرة لا تعرف طبيعة عمله، خاصة أنه من محافظة المنيا ولديه زوجة وأبناء يعملون في مهن رفيعة.
وأبدى عدد كبير من رواد التواصل الاجتماعي غضبهم لقيام موظفي الحي ببور سعيد بإهانة جامع القمامة البسيط ومصادرة عربته التي تساعده على كسب قوت يومه، حيث تعرض للدفع والاهانة علنا، وفيما يلي ابرز تعليقات رواد التواصل :
-حسبى الله ونعم الوكيل....مش احسن ما يمد ايدة ويسرق
-مينفعش احنا اللي بنعلق نحاول نسعده كل واحد فينا علي اد ما يقدر
-احسن شعب يتشطر علي بعضه شعب طيب بفطرته
بجد احنا وحشين اوي في حق بعض ليه كده
ولا حول ولاقوة إلا بالله العلي العظيم
-كفاية بقي ظلم وقهر حرام عليكم سيبوا الناس في حالها حسبي الله ونعم الوكيل هتعملوا في الناس ايه تاني
-لا حول ولاقوة الابالله العلي العظيم خلاص مبقاش ف القلوب رحمه والله صعب ليه كده بس ازاى مصعبش عليك ده شغال بما يرضي الله مش بيتاجر ف المخدارت ده بياكل بحلال ربنا والله اتوجعت عليك حسبي الله ونعم الوكيل
-الشطاره علي اللي ملوش ظهر بس علي الضعيف
حسبي الله ونعم الوكيل
ما شاء الله بيشوف شغله اوي
-لازم يتحاسب ويجيب الراجل الغلبان يتاسفلوو
-ربنا يجزيك كل الخير والله انك صورته عشان الناس فعلاً تشوف عدم الرحمه واللي يقدر يساعد الراجل دا يساعدو واكيد ربنا مش ناسيه حسبي الله ونعمه الوكيل.
-مش احسن مايمد ايدة ويسرق..حسبي الله ونعم الوكيل
-حسيبي الله ونعم الوكيل فيهم الدنيا بقت صعبه بجد ياريت المسؤول يدخل
-حسبنا الله ونعم الوكيل إيه يعنى بيلم خرده من الزباله هو سرق حد احنا مابنجيش إلا على الغلبان
-حسبي الله ونعم الوكيل لازم يتحاسب اللى عمل كده حرام والله هو ف اى بجد
-هما فعلا النباشين غزوا البلد كلها بس ميستعرضوش عضلاتهم غير على الراجل ده ما البلد كلها مليانه نباشين على مسمع ومرئى منهم ولا عشان راجل كبير
-بس هو كان ممكن يرفضه لا العامل سايب شغله وبيلم بلاستيك والكنز والحاجات بتتباع فقط والله اعلم وربنا يصلح حال العباد
-الراجل قال فى الاخر حسبي الله ونعم الوكيل جمله صعبه جدا الله وكيلك.
وبسبب عامل النظافة صاحب واقعة كشري التحرير والذي بات يعيش في دور النجم ويحل ضيفا يوميا على البرامج، علق حساب :" هو احنا ما بقاش عندنا الأ عمال النظافه كفايه محمد كشري.. ارحمونا.
-معلش هو اسلوبه وحش لكن برضوا التانى مخالف وللاسف الحكومة ايضا مشاركة فى تجاهل الناس كل تفكرها فى العاملين بالحكومة لافكرت تعمل مشروع قومى ولاتعمل أسواق محترمه وتنظم عملها بشكل لائق وحضارى ولا بتحاول تساعد الناس.
- يترفد من عمله علشان يبقى عبرة لغيره لو ظلم انسان بيجرى على رزقه بشرف مش بيرتشى ولا بيستغل عمله و بتربح منه.
-حاجه تحزن فعلا رحمه ربنا فين من القلوب القاسيه دى حسبى الله ونعم الوكيل.
-دا مش عامل نظافة دا راجل غلبان بيلم الزجاجات البلاستيك ويبيعها وموظف الحى اخد منه العربية اللى بيشتغل بيها.
