كتب: محرر الأقباط متحدون
خلال احتفالات التلفزيون المصري بأعياد الميلاد المجيد ، التقى برنامج " السهرة" الذى يذاع على القناة الثانية والفضائية المصرية مع البابا تواضروس الثاني ، والذى تحدث خلاله في العديد من القضايا.
ودائما مايعرف اهتمام البابا بالشباب، وردا على تساؤل حول الأسلوب الأمثل للتعامل مع شباب الجيل الحالى.
جاء رد قداسته" شباب الجيل الحالى عايزين قادة شباب ممتلئين بالمحبة الخالصة يعنى بحب الإنسان لشخصه ودى حاجة مهمة جدا يعنى مش بنتقابل في اجتماع أو نلتقى في لقاء وتنتهى القصة وخلاص.
وجود عامل الحب بين الإنسان المسؤول عن الشباب والشباب نقطة جوهرية للغاية.
وقدم البابا تواضروس نصيحة للشباب المقبلين على الزواج قائلا" فكر كويس خالص ، قرار الزواج دة أصعب قرار ممكن انسان ياخده ، يعنى أصعب من قرار الهجرة ومن قرار انك تسيب شغل.
قرار الزواج بيربط حياتك بأخر اذا ماكانش الإنسان هو أو هي يفكر كويس من أجل وضع كل عوامل النجاح عشان يكون جواز ناجح، اللى بيعمل مشروع صغير بيدرسه تخيل مشروع الحياة.
النصيحة اللى يتقدمها دائماً لأولادنا الشباب لما تيجى تختار اختار ام صالحة لاولادك وللبنات اختارى أب صالح لاولادك، ماتختارش البنت اللى شكلها حلو ولا الولد اللى ماديته حلوة ، لكن الأصح الإنسان يكون عنده رؤية بعيدة.
