د. أمير فهمى زخارى المنيا
انت عارف ان فيه نوعين من الجوع ؟؟
فيه جوع عاطفي و جوع حقيقي...
طب ازاي اقدر افرق؟
هقولك:
اولا الجوع العاطفي:
- ده بيجيلك فجاه.
- وبتكون مش قادر تصبر علي الاكل.
- وعندك استعداد تاكل اي حاجه قدامك.
- باي كميه وبدون وعي للي انت بتاكله .
- وعادتا بيجيلك شعور بالذنب بعدها .
ثانيا: الجوع الحقيقي:
- ده شعور تدريجي.
- وممكن تصبر عليه.
- وبتكون واعي لما بتيجي تاكل.
- وبتوقف اكل لما تشبع.
الجوع العاطفى أسوء وله مضاره...
عادتا لما بيكون فيه حاله توتر او مضايقه او حتي زهق بيجيلنا شعور بالجوع العاطفي.
اول ما نحس ان ده هيحصل نقاومه ازاى...
انا ها أقولك:
١- نروح نشرب كوبايتين مياه كده ندي فرصه لعقلنا يفهم ده انهي نوع جوع.
٢- واحاول دايما يكون فيه في التلاجه اختيار صحي للحالات الي زي ديه من خضار وفاكهه مغسولين ومتقطعين.
٣- وكمان احاول اشغل نفسي باي حاجه لان عادتا الشعور ده هيستمر من ١٠-٢٠ دقيقه و هيروح 😊
خلى بالك الجوع العاطفى هو اللى بيتخن ... انا كتبت البوست ده وحاولوا تقاوموه زى ما ذكرت...
تمنياتى لكم بالصحه والعافيه...
د. أمير فهمى زخارى المنيا
