كتب - محرر الاقباط متحدون
اثارت مبادرة لشباب من المطرية بوضع لافتات على الطريق لتذكير السائقين بـ"ذكر الله" خلال السفر، الجدل في مصر .
وعلقت الكاتبة نها قمرة على المبادرة وكتبت عبر صفحتها على فيسبوك :" بالنسبة لى مبادرة مشبوهة وغريبة !!!يمكن لما اقول كده اسمع حسبنة عليا ويتقال شوف اللى مش عاجبها مبادرة (ذكر الله )!!!
مفيش افضل من ذكر الله ... فاذْكُرُونِي أَذْكُرْكُمْ، ويارب اجعلنا دايما ذاكرين له بافعالنا واخلاقنا ومش بس بكلامنا وحروفنا
لكن يعنى ايه صفحة العميلة تنشر عن مبادرة لشباب من المطرية بعمل لافتات على الطريق لتذكير السائقين بـ"ذكر الله" خلال السفر.
والاف التعليقات كلها بتشيد بالمبادرة وبالشباب ...لكن انا بالنسبة لى عندى ملاحظات عدة نفس الناس اللى بتهلل وتكبر لليفط دى بطول الطريق ....هى اللى بتشتم وتحسبن على الرادرات اللى بتتعمل على الطريق لحمايتهم من الحوادث والسرعات العالية.
وهل الطريق كده مباح لاى مواطنين ولاى شباب يروحوا يدقوا على جانبيه اليفط !!! منين اتجابت الفلوس انهم يحملوا سيارة كاملة باليفط والاعمدة الخشبية كده والمواد الاسمنتية !!.
وهل الفلوس دى لو كان اتجاب بتمنها طعام او ملابس او ادوية للمحتاجين فى ظل الغلاء الحالى ...مش ده برده شىء يرضى ربنا جنب ذكره بلساننا!!! .
وهل يا ترى لو الجهات الامنية او المسئولة ازالت اليفط دى من على الطريق لانها غير مرخصة مثلا ....حنسمع نواااح وصراخ ... عن دولة الكفار اللى بتمنع ذكر الله !!!!.
