كلمات ✍️ عادل غبريال
ياريتك يللي مش عارفك ماولدتيني
ولا للعالم الظالم ده . يوم جبتيني
أنتي اللي غلطتي وغلطتك شيلتيني
جبتيني للدنيا وجوه نارها رميتيني
#سجين اليتم والعار 🚪😥🚪
طفل ولسه يادوب عنده أربع سنين
أصبح ليه ملف وقضية في المحاكم
وقبل ما يعرف الفرحه أصبح حزين
سجين التيم والعار بدون ميتحاكم
#سجين اليتم والعار 🚪😥🚪
وأنا لسه صغير مابعرفش قوانيكم
ولا أعرف يعني إيه ؟؟!!! طفل لقيط
وإيه هو الفرق إل بين ديني ودينكم
حاسس إني تايه والا ماكنش عبيط؟
#سجين اليتم والعار 🚪😥🚪
ليه كل الظلم ده ؟؟!!! بيحصل معايا
وإيه الذنب؟!! اللي في دنيتي جنيته
وأنا لسه ماشبعتش من أمي وبابايا
تحرموني ليه؟ من الحب بعد مالقيته
#سجين اليتم والعار 🚪😥🚪
كنت معاهم باحس بالحماية والامان
كانوا شايليني ف عينيهم وف قلوبهم
كنت بالاقي ف حضنهم💞كل الحنان
ليه؟! تاخدوني منهم وتكسروا قلوبهم
تأجيل قضية شنوده ل 18 مارس ⚖️
#مش هننساك يا شنوده
#سجين اليتم والعار 🚪😥🚪
#بقلمي عادل غبريال
