كتب: محرر أقباط متحدون
قال الأنبا رافائيل أسقف عام كنائس وسط القاهرة ، إن الله طويل البال وبيعاملنا على أننا أطفاله مش بس اولاده، فبيتعانل معانا بمنتهى الحنية ، هو عارف الأفكار اللى شاغلة بالنا.
واضاف خلال برنامج " بستان العقيدة" المذاع على فضائية ctv ، ردا على تسأول " لماذا لم يعاتب الله يونان بعد هروبه وجدد دعوته لأهل نينوى، قائلا الله مقدر أن يونان بيحب شعبه وبيكره الأمم لأن ربنا قالهم ماتتعاملوش مع الأمم ، فيونان بداخله بيقول انت يارب اللى قولتلنا ماتتعاملوش مع الأمم ، لكن ربنا قصده ماتتعاملوش مع الأمم عشان ماتتعلمش خطاياهم ، لكن لما اقول اكرزلهم بترفض ليه.
وأكمل نيافته" ربنا قدر عدم فهم يونان لانه على أساس دينى ، زى شاول الطرسوسى لما كان بيضطهد الكنيسة ويتلفها على أساس دينى ربنا قاله انت مش صح ولما فهم أصبح أعظم كارز، عشان كدة احنا بنحكم بقساوة قلب على الناس الغلطانيين لكن ربنا شايف القلب.
وربنا لم يعاتب يونان لكن أدبه وجدد له الدعوة لانه لو كان أدبه وبعده عن الدعوة كان يونان احبك.
