علق الإعلامي عمرو أديب، على خسارة الزمالك أمام فريق شباب بلوزداد الجزائري، مساء الجمعة، ضمن منافسات الجولة الأولى من دور المجموعات ببطولة دوري أبطال إفريقيا.
وقال أديب، خلال تقديم برنامجه "الحكاية" المذاع عبر فضائية "إم بي سي مصر" مساء الجمعة،: "أولًا اللاعيبة ملعبتش، والمدرب مدربش، أي لعيب النهارده في الزمالك كان بترقص بسهولة".
وأضاف الإعلامي: "اوعى حد يقولي أصل لولا الـ3 لاعيبة اللي متقيدوش، الـ3 لاعيبة دول مين؟!".
وتابع: "أنا عندي نصيحة صريحة لنادي الزمالك، لا تقيدوا لاعيبة ولا تصرفوا على مدرب ولا تعملوا أي حاجة، لأنه الموضوع ضاع، والفرقة ضاعت السنة دي خلاص، وبقت تنزل تتطلتش".
وواصل مقدم برنامج "الحكاية": "معانا مدرب مشيناه يومين ورجعناه يومين، في اثنين مدربين في الملعب، المدرب الخواجة قاعد موظف، هو قاعد موظف، أو مشيني وإديني فلوسي، اللي بيجرى مع الزمالك بهدلة وهبل، شيء مش موجود في أي حتة في العالم".
